Qytaı astanasy Beıjińde 22-28 qyrkúıek kúnderi Azıa jáne Afrıka elderiniń yntymaqtastyq forýmy ótti, dep jazady Qamshy.kz tilshisi. Qazaqstan atynan qatysqan ónerpazdar eldiń abyroıyn asqaqtatyp qaıtty.

Atalǵan forým aıasynda ótken festıvalǵa 43 eldiń ónerpazdary qatysqan. Aptaǵa sozylǵan shara nátıjesinde qazaq eli ónerpazdary úzdik atanǵan. Festıvalǵa qatysqan ónerpazdar arasynda ánshi Ibrgaım Eskendir de bar. Instagram paraqshasynda «Azıa jáne Afrıka elderiniń yntymaqtastyq forým festıváliniń ashylý saltanaty sátti ótti. Atalmysh sharaǵa álemniń 40-tan astam elderi qatysyp otyr. Barlyq qatysýshy memleketter ishinen tórt memleketke ǵana quttyqtaý sózi berildi. Onyń biri Qazaq eli. Elimizdiń álem aldyndaǵy bedelin shetelge shyqqanda bilesiń. Álemniń qaı buryshynda júrsekte týymyzdy bıik, eńsemizdi tik ustaıyq!», - dep jazdy ánshi.

Ánshi bólisken vıdeodan Qazaqtyń kók baıraǵyna jınalǵandardyń tańdanyspen qarap, qaıta-qaıta sýretke túsirip jatqan qoshametin baıqaýǵa bolady.