Materıaldyq-tehnıkalyq qamtamasyz etýdi damytý basqarmasy ýkraınalyq áskerı áıelder úshin ishkıimniń jańa dızaınyn usyndy,- dep habarlaıdy Qamshy.kz aqparat agenttigi.

Usynylǵan ishkıim úlgisi áskerı áıelder men jeli qoldanýshylarynyń úlken narazylyǵyn týdyryp, synnyń astyna qaldy.

Materıaldyq-tehnıkalyq qamtamasyz etýdi damytý basqarmasynyń aıtýynsha: «Bizde jasalǵan ishkıim úlgisi áıelderdiń dene bitimine saı jáne kez kelgen dene qozǵalysyn talap etetin tapsyrmalardy júzege asyrýǵa múmkindik beredi».

Jelige jarıalanǵan foto úlgilerdi kórgen áskerı qyz-kelinshekter narazylyǵyn jasyra almady. Máselen, Svetlana Lılına: «Meniń eńbek shartym aıaqtalǵansha, bul usqynsyz úlgini áli endirmeıdi degen úmittemin»,-dedi. Olá Koroleva esimdi arý: «Bul ishkıimdi jasap shyqqan adam ony óz áıeline kıgizip kórsin» degendi alǵa tartty. Onyń oıynsha, «ish kıimder óte yńǵaısyz jáne tigisi nashar».

Bul narazylyqty bildirý úshin qolyna plakat alyp kóshege shyqqandar da boldy.