Avstrıa bıligi 1 qazannan bastap qoǵamdyq oryndarda betti jaýyp júrýge tyıym salynatyn zań qabyldady, dep habarlaıdy Qamshy.kz aqparat agenttigi life.ru-ǵa silteme jasaı otyryp.

Bul zań nıkab, býrký nemese parandja kıetinderge qatysty.

Zańdy buzǵandarǵa 150 evro kóleminde aıyppul salynady, eger ony tólemese zań buzýshylardy ustap, túsinikteme alynady. Zań shyǵarýshylardyń aıtýynsha, atalmysh qujattyń maqsaty - mıgranttar men bosqyndardyń avstrıalyq qoǵamǵa yqpaldasýy jáne elde turatyn kóptegen ulttardyń beıbit ómir súrýin qamtamasyz etý.

Tek hıdjabqa, medısınalyq maqsattaǵy dáke baılaýyshqa ruqsat etildi. Sondaı-aq, dárigerler, qurylysshylar, akterler, dástúrli merekelerge qatysatyn tulǵalar jaýapqa tartylmaıdy.  Quqyq buzýshylyqty anyqtaǵannan keıin, polısıa tulǵaǵa zań buzýshylyqqa jol bermeýin eskertedi, odan keıin kıimniń jabý elementin alyp tastaýdy talap etedi.

Bul zań týraly aqparat basqa elderdiń elshilikterine, musulman jamaǵatyna jáne halyqaralyq uıymdarǵa taratyldy.