Las-Vegastaǵy Mandalay Bay kazınosynyń mańynda belgisiz bireý atys uıymdastyrdy, dep habarlaıdy Qamshy.kz aqparat agenttigi Rıa novostı saıtyna silteme jasap.
Jergilikti BAQ derekterine sáıkes, eki adam qaza taýyp, 24 adam jaraqat alǵan.
«Mandalay Bay kazınosynyń mańynda oryn alǵan jaǵdaıǵa baılanysty tergeý jumystaryn bastadyq. Múmkindiginshe bul aýdanǵa ázirge kelmeýlerińizdi suraımyz», - deıdi jergilikti polısıa.
BAQ málimetterine sáıkes, belgisiz bireý Mandalay Bay Hotel qonaqúıiniń balkonynan atqan. Ol kantrı-mýzyka festıvaline qatysýshylardy kózdegen.
Atys jaıynda qalanyń ózge aımaǵynyń turǵyndary da habar bergen, alaıda polısıa bul aqparatty rastamady.
Atys shyǵarǵan qylmysker qazir jasyrynyp, qashyp júr.
Atalmysh jaıtqa qatysty QR Senat spıkeri Qasym-Jomart Toqaev óziniń Twitter paraqshasynda pikir bildirdi.
«Álem tym qatigez bolyp barady. Mundaı jaǵdaılar, qandy qaqtyǵystar kún saıyn kóbeıip barady», - deıdi Qasym-Jomart Toqaev.
