DAISH terrorlyq uıymy nemese «Islam memleketi» (Qazaqstan, Reseı jáne basqa da memleketterde tyıym salynǵan) 1 qazanda bolǵan Las-Vegastaǵy oqıǵaǵa baılanysty pikirin bildirdi,- dep habardaıdy Qamshy.kz aqparat agenttigi. Bul týraly Lenta.ru saıty baqylaýda ustalatyn «Amak» aqparattyq agenttigine súıene otyryp málimet bergen edi.
DAISH jaýyngerleri keshegi jappaı atysty júzege asyrǵan Stıven Peddoktyń jaýyngerlik laqap aty Abý Abd al-Barr ol «Halıfattyń áskeri» jáne «DAISH tapsyrmasyn oryndaýshy» degen habar taratty. Abý Bakra al-Bagdadı «kreske tabynýshylarǵa» oq atty. Terrorısterdiń aıtýynsha, keshegi oqıǵada 600-ge jýyq adamnyń birshamasy óltirilip, kóbi jaraqattandy. Bul málimet jaqyn Batysta shoǵyrlanǵan terrorısterdiń «Directorate» 4 Telegram-kanalynda jarıalandy. Oǵan qosa, «Amaktyń» aıtýynsha, budan birer aı buryn Peddok ıslam dinin qabyldaǵan. Bul terakt DAISH-qa qarsylyq jasap otyrǵan memleketterden kek qaıtarý maqsatyndaǵy jaýap bolyp otyr.
Alaıda AQSH-tyń Federaldy tergeý búrosy Las-Vegastaǵy qaıǵyly oqıǵanyń DAISH-pen esh qatysy joq dep otyr. Olardyń aıtýynsha tergeý áli jalǵasýda. Al Ortalyq barlaý basqarmasy DAISH-tyń málimdemesin negizge alýdy eskertip, áli eshqandaı asyǵys málimdeme jasamaýdy surady.
Osy ýaqyt aralyǵynda batystyń BAQ quraldary Peddoktyń ómir baıanyn zerttep, onyń eń qaýipti bank tonýshysynyń uly ekendigin aıqyndady. Washington Post –tyń habarlaýynsha Stıvenniń ákesi Bendjamın Hoskıns Peddok 1969 jyly Federaldy tergeý búrosy izdeý salǵan qylmysker. Ol óziniń 20 jylyn túrmede ótkizgen. Bendjamındi «psıhıkalyq aýytqýlary» bar, sýısıdke bara alatyn qylmysker dep tanyǵan.
