Taımyr túbeginen enetin sýyq aýa massalaryna baılanysty  elimizdiń basym bóliginde jel kúsheıip, jańbyrdyń sońy qarǵa ulasady dep habarlaıdy Qamshy.kz aqparat agenttigi Qazgıdrometke silteme jasap. Mundaı aýa-raıy  tipti elimizdiń ońtústik jáne ońtústik-shyǵys oblystarynda da aınalyp ótpeıdi. 

Bul kúnderi aýa temperatýrasy:

- soltústikte, shyǵysta jáne respýblıkanyń ortalyǵynda túnde 0 ... 8 aıaz, kúndiz 0 ... 5 jylyǵa deıin tómendeıdi;

- ońtústikte jáne ońtústik-shyǵysynda túnde 3 aıaz ... 5 jylyǵa deıin, kúndiz 5... 13 jylyǵa deıin tómendeıdi.

Esesine elimizdiń batys óńirinde antısıklonnyń yqpalymen ashyq aýa raıy kútiledi. Aýanyń temperatýrasy túnde 3 aıaz...5 gradýs jylyǵa deıin, kúndiz 8...16 jylyǵa deıin joǵarlaıdy.

Jumaǵa qaraı Jerorta teńizinen ońtústik-batys jáne batys aýa aǵymdarymen  Qazaqstannyń búkil aýmaǵyna jyly aýa massalary enedi.                    7-10 qazan aralyǵynda  ashyq jáne eń jyly kúnder ornaıdy.

Aýanyń kúndizgi temperatýrasy:

soltústik jartysynda + 10 ... + 18 ° S

ońtústik jartysynda  + 20 ... 27 ° S joǵarlaıdy.

Elimizdiń batysynda kúndizgi aýa temperatýrasy 18 ... 23 ° C qolaıly, ashyq  aýa raıy uzaqqa sozylady.

Aýa-raıyn uzaq merzimge boljaý boıynsha kezekti aýa temperatýrasynyń aıtarlyqtaı tómendeýi jáne ýaqytsha qar jamylǵysynyń ornaýy  aıdyn ortasynda jáne sońynda kútiledi.

Nátıjesinde aýanyń ortasha aılyq temperatýrasy Qostanaı, Soltústik Qazaqstan, Aqmola jáne Pavlodar oblystarynda aıtarlyqtaı sýyq bolady (normadan 1 °C tómen); al qalǵan aımaqtarda klımattyq norma shamasynda kútiledi.

Jaýyn-shashynnyń aılyq mólsheri Batys Qazaqstan, Aqtóbe, Qostanaı jáne Soltústik Qazaqstan oblystarynyń soltústiginde normadan kóp bolýy kútilýde; Aqmola, Pavlodar, Batys Qazaqstan, Aqtóbe, Qostanaı, Soltústik Qazaqstan oblystarynyń basym bóliginde jáne Ońtústik Qazaqstan, Jambyl, Almaty jáne Shyǵys Qazaqstan oblystarynyń taýly jáne taý bókterli aýdandarda – norma shamasynda, al  qalǵan aımaqtarda - normadan az jaýady.