Almaty qalasynyń ákimi Baýyrjan Baıbek jumys saparynyń aıasynda qalalyq sýarý jelisiniń qurylysy men rekonstrýksıalaný barysyn tekserdi, sondaı-aq turaqsyz kólbeý ýchaskilerdi kúsheıtý boıynsha aǵymdaǵy jumyspen tanysty. Bul týraly Almaty qalasy ákimdiginiń baspasóz qyzmeti habarlady.

Jumys saparynyń aıasynda Almaty ákimine Alataý aýdanynyń Alǵabas shaǵyn aýdanyndaǵy sýarý jelisi men sý burý júıesin salý boıynsha atqarylǵan jumystar týraly aqparat berildi.

Búgingi tańda aýdanda shamamen uzyndyǵy 7 shaqyrymǵa deıin jetetin aryqtar jıekteriniń salý jumystary aıaqtaldy. «Teploenergetıka» jáne «Energostroıtel» saıajaı massıvterinen ótetin Qarǵaly ózeniniń boıynda jóndeý jumystary ótýde. Ózen boıynyń 1300 metri temirbetonmen kúsheıtiledi. Ózen arnasyn mehanıkalyq tazalaý boıynsha jumystar aıaqtaldy.

Sondaı-aq Almaty qalasynyń ákimi 4 shaqyrymnan astam uzaqtyǵy bar Naýryzbaı aýdanyndaǵy Nadyrov, Tájıev, Kúlbekov jáne Slanov kósheleriniń aryqtyq jelilerin salý jónindegi jumys barysymen tanysty.

Joǵaryda atalǵan kóshelerde aryqtyq jelileri buryn bolmaǵan. Búgingi kúni jańa aryqtyq jelileri men nóserlik kanaldardyń jumystary aıaqtaldy. Joldardy asfálttaýǵa daıyndyq jumystary júrgizilýde.

Qala ákimine jumys sapary sheńberinde Bostandyq aýdanynyń Baǵanashyl shaǵyn aýdany jáne Medeý aýdanynyń Taır kóshesi boıynsha, Jetisý aýdanynyń «Kishi Almatınka» ózeni boıynan Volochaevskaıa kóshesi boıynsha bókterdi kúsheıtý boıynsha qurylys jumystarynyń barysy jaıly baıandady. Bul ýchaskelerde gabıondy konstrýksıalardan jasalǵan qorǵanys qabyrǵalary ornatylyp, jer asty jumystary júrip jatyr.

Jetisý aýdanynda bókterdiń uzyndyǵy 345 m quraıdy, bıiktigi 7 metrge deıin barady. Qazirgi ýaqytta barlyq jóndeý jumystary aıaqtaldy. Ortasha qysymdaǵy telimdik gaz qubyrlaryn tasymaldaý jáne bólshekteý, joǵary qysymdaǵy sý qubyrlaryn ýaqytsha orynǵa montajdaý jáne bólshekteý júrgizilip, elekt jelileriniń tireýi jartylaı tasymaldaý joldarfmen texnologıalyq ótpeler qamtamasyz etilgen.

Medeý aýdanynda kólbeý ýchaskesiniń uzyndyǵy 470 metrdi quraıdy. Qazirgi tańda ýchaskede metaldy qorshaýlardy, beton bloktardy, aǵashtan istelgen sharýashylyq qora-jaılardy demontaj jasaý jumystary ótkizilýde. Atalmysh is-sharalar jospar boıynsha osy jyldyń qarasha aıynda aıaqtalmaq. Ýchaskede júrgiziletin jumystar jer asty sýlardyń paıda bolýynan shıelenise túsedi.

Óz kezeginde, Bostandyq aýdany Baǵanashyl mıkroaýdanynynda jobalaýshylar seısmıkalyq jane topyraq qasıetterin eske ala otyryp, tireý kabyrǵasynyń tıpin azırledi. Obektini jyldyń aıaǵyna deıin ótkizý josparlanýda.