Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıteti Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyna sáıkes Pavlodar oblysynda "Qazaqstannyń bolashaǵy – qazaq tilinde" atty orystildi azamattarǵa   memlekettik tildi nasıhattaýǵa arnalǵan  sharasyn ótkizedi dep habarlaıdy Qamshy.kz aqparat agenttigi.

Sharanyń maqsaty – orystildi azamattar arasynda qazaq tiliniń memlekettik til retindegi mártebesi, Qazaqstandaǵy etnostardyń birligi men yntymaǵynyń kepili retindegi, qoǵamdyq kópshilik oryndardaǵy, jas urpaq tárbıesindegi, patrıottyq, ǵylym-bilim, jańa tehnologıa salasyndaǵy qyzmetteri, qazaq tilin latyn qarpine kóshirýdiń mańyzdylyǵy, ıdeologıalyq turǵydan eskirgen eldi mekender men kóshelerdiń ataýy, olardyń tarıhı ataýlaryn qaıtarý, sonymen qatar tarıhı jer-sý ataýlaryn, ulttyq tanymǵa jaqyn dástúrli ataýlardy berý jáne t.b. týrasynda sóz qozǵaý, pikir almasý.

Jumys tobynyń quramynda belgili saıasatkerler,  qoǵam qaıratkerleri, ǵalymdar jáne jergilikti atqarýshy organdardyń ókilderi bar. Sharaǵa Qazaqstan Halqy Assambleıasy ǵylymı-saraptama keńesiniń múshesi, saıasatker, Qazaqstanǵa eńbegi sińgen qaıratker Dos Kóshim, saıasattanýshy Rasýl Jumaly, Pavlodar oblysy Tilderdi damytý basqarmasynyń basshysy Saýle Osmanova, «Ertis dıdary» Pavlodar oblystyq gazetiniń redaktory, Pavlodar oblysy Jazýshylar odaǵy fılıalynyń dırektory Arman Qanı qatysady.

Shara ústimizdegi jyldyń 9-13 qazan aralyǵynda  ótedi. 

Barlyǵy jobaǵa 500-ge jýyq adam qamtylady, zıaly qaýym, etnomádenı birlestikter músheleri, orystildi azamattar, jumysshy jastar, joǵary oqý oryndarynyń, kolejderdiń stýdentteri jáne t.b.