2017 jylǵy 7 qarashada Energetıka mınıstri Qanat Bozymbaev jumys keńesin ótkizdi. Onda Qazaqstannyń úsh MÓZ-in jańǵyrtýdyń aǵymdaǵy máseleleri talqylandy. Top-menedjerlerdiń árqaısysy zaýyttardaǵy qalyptasqan jaǵdaıdy jáne JJM-nyń barlyq túrin jetkilikti mólsherde óndirýdiń jańa merzimderi týraly baıandady dep habarlaıdy Qamshy.kz aqparat agenttigi QR EM Baspasóz qyzmetine silteme jasap.
PMHZ bas dırektory Shýhrat Danbaıdyń aqparaty boıynsha Eýro-4 jáne Eýro-5 klasty joǵary oktandy benzındi úlken kólemde óndirýge múmkindik beretin jabdyq – katolıtıkalyq krekıngtiń jańa qondyrǵysyn synaý 10 qarashaǵa belgilengen.
Alaıda, taǵy bir úlken problema bar ekendigi anyqtaldy – zaýytta dızel otynyn óndirýge qajet sýtekti óndirý qondyrǵysy birneshe apta boıy jumys istemeı tur. Ony jóndeý jeltoqsannyń ortasyna deıin sozylýy múmkin, bul elimizde dızel otynynyń jetispeýshiligine alyp kelýi múmkin.
«Qarasha jáne jeltoqsan aılarynda zaýytta dızel otynyn óndirý 150 myń tonnadan 25 myń tonnaǵa deıin tómendeıdi, ıaǵnı aı saıyn 125 myń tonnaǵa kem. Bul aıqyn jaǵdaı. Sizder jumysty oryndamadyńyzdar», - dedi Q. Bozymbaev Sh. Danbaıǵa.
Óz kezeginde, «QazMunaıGaz» UK» AQ Basqarma tóraǵasy Saýat Myńbaev ishki naryqta satý úshin qazirgi naryqtyq baǵamen – lıtryna 157-160 teńge - ımporttyq (reseılik) dızel otynyn satyp alý arqyly kompanıa óz shyǵyny esebinen qalyptasqan problemany sheshetindigin habarlady.
QR Energetıka mınıstrliginde ótken keńestiń qorytyndylary boıynsha «QazMunaıGaz – qaıta óńdeý jáne marketıń» AQ Dırektorlar keńesiniń sheshimimen Danbaı Shýhrat Abdýrashıtovıch atqaratyn qyzmetinen bosatyldy. «PMHZ» JSHS bas dırektorynyń mindetin atqarýshy bolyp Alseıtov Ospanbek Baltabaevıch taǵaıyndaldy.
