Peterbýrgte Lenın eskertkishine boıaý jaǵylyp, «qanqumar» dep mazaq etilgen. Onyń ústine eskertkish mańyndaǵy aǵashtarǵa álemdik proletarıat kósemi eńbeginen úzindi keltirilgen paraqshalar jabystyrylǵan,-dep Qamshy.kz aqparat agenttigi Life.ru-ǵa silteme bere otyryp jazady.

Bul jaǵdaı Oktábr oqıǵasyna 100 jyl tolǵan ýaqytta jasalynyp otyr. Belgisiz bireýler Vladımır Ilıchtiń keýdesine «qanqumar» (palach) dep jazyp, janyndaǵy aǵashtarǵa Lenınniń óz shyǵarmasynan úzindi berip ketken.

«Qazirgi ýaqytta «Vandalızm» dep tanylǵan bul iske qylmystyq kodekstiń 214 babyna sáıkes qylmystyq is qozǵalyp, terge amaldary júrgizilip jatyr»,-dep Sankt-Peterbýrgtyń Lenoblysynyń İİM málimdedi.  

Oǵan qosa, eskertkish qazir tazartylýda.

Onyń aldynda ǵana belsendiler Petrograd jaǵalaýyna áleýmettik jelilerden jınalǵan 210 myń rúbl turatyn 8 myńǵa jýyq gúl shoqtaryn  qoıǵan edi.