Qazaqstan prezıdenti Nursultan Nazarbaev Qostanaı qalasyna barǵan saparynda tenıs ortalyǵynda bolyp, 6 tenıs korty, sonyń ishinde 3 jabyq korty bar keshen aýmaǵyn aralap kórdi, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

Sonymen birge, Memleket basshysy jas tenısshilermen kezdesip, áńgimelesti.

Sońynda Qazaqstan Prezıdenti sportshylarǵa myqty densaýlyq pen jarqyn jeńister tiledi.

Aıta ketý kerek, Sport kesheni 2015 jyly jergilikti búdjet esebinen salynǵan.

2016 jyldyń basynan beri ashyq jáne jabyq korttarda birneshe respýblıkalyq jasóspirimder týrnıri, sondaı-aq áýesqoılar men ardagerlerdiń týrnırleri ótti.

Sonymen qatar Qostanaı qalasynyń ońtústik-shyǵys bóliginde ornalasqan Kúsh qoldanylatyn sport túrleri akademıasyna bardy.

Elbasy sport zalyn aralap kórip, jergilikti sportshylarmen, sondaı-aq Qazaqstannyń aýyr atletıkadan jasóspirimder quramasynyń múshelerimen áńgimelesti.

Akademıa sporttyń aýyr atletıka, paýerlıftıng, bodıbıldıng, armrestlıng sıaqty túrlerinen sportshylar daıyndaıdy.