Búigngi tańda sensasıanyń sońyna túsken saıttar kóbeıip ketken. Árıne, oqyrmannyń suranysyn eskerýge týra keledi. Alaıda kez kelgen máselege eldik múdde, ulttyq tanym men tárbıe, ári jýrnalısik etıka turǵysynan qaraýdy basty nysanaǵa alý kerek. Bul týraly búgin Astanada ótip jatqan qazaq saıttary redaktorlarynyń forýmy barysynda QR Aqparat jáne komýnıkasıalar mınıstri Dáýren Abaev aıtty, dep habarlaıdy Qamshy.kz aqparat agenttigi.

Astanada qazaq saıttary redaktorlarynyń forýmy ótip jatyr. Forýmǵa QR Aqparat jáne komýnıkasıa mınıstrligi qoldaý kórsetti.

Zertteýlerge sáıkes, sońǵy jyldary qazaq saıttarynyń sany ósken. Alaıda olardyń arasyndaǵy básekelestik tómen bolyp tur. Kontent birtekti, al qazaq saıttarynyń jeke izdenisi, jeke qoltańbasy joq. Osyǵan oraı forýmdy ótkizýdegi basty maqsat – qazaq tildi saıttardy damytý, kontent sapasyn kóterý.

Óz sózinde mınıstr dástúrli baǵyt pen jańa medıanyń erekshelikterine, ári qazaq tildi resýrstardyń orny men áleýmettik jeliniń yqpaly jaıyna toqtaldy.

«Búgingi tańda álemde 7 mlrd.-tan astam adamnyń teń jartysy áleýmettik jelini qoldanady. Áleýmettik jelilerdiń ózi aqparat quraldarynyń salmaqty básekelesine aınaldy. Qazirgi kúnniń basty taqyrybyn Feısbýktegi qarapaıym qoldanýshysy qalyptastyra alady nemese tutas redaksıa zertteıtin máseleniń mańyzdylyǵyn WhatsApp-taǵy bir ǵana vıdeo joqqa shyǵarýy múmkin. Alaıda bul úrdis jýrnalıserdiń rólin tómendete alǵan joq. Kerisinshe áleýmettik medıa damyǵan saıyn kásibı mamandarynyń baǵasy arta tústi», - deı kele Abaev básekelestiktiń qatań talaptaryna tótep berip, aqparat keńistiginen laıyqty oryn alý úshin qazaq tildi resýrstarynyń aldynda turǵan birneshe mańyzdy máseleni atady.

«Birinshiden, kontentke kózqarasty ózgertý. Qazirgi kúni aqparattyń mańyzyn aýystyrýǵa qoldanýshynyń tikeleı yqpaly tıe bastady. Ókinishke qaraı, osynyń saldarynan sensasıanyń sońyna túsken saıttar da kóbeıe bastady. Árıne, oqyrmannyń suranysyn eskerýge týra keledi. Alaıda kez kelgen máselede eldik múdde, ulttyq tanym men tárbıe, ári jýrnalısik etıka turǵysynan qaraýdy basty nysanaǵa alý tıis dep oılaımyz. BAQ-tyń áleýmettik jeliden basty aıyrmashylyǵy men artyqshylyǵy da osynda.

Kontenke basty mán berip jatqanymyz,  kezinde jýrnalısıka qoǵamdy tárbıeleıdi deıtinbiz. Qazirgi kúni jýrnalıser qoǵamdy tárbıeleýge emes, sensasıa qýamyz dep, ár sózge erip kete beretin boldy.», - dedi.

Mınıstrdiń aıtýynsha, Aqparat jáne komýnıkasıalar mınıstrligi keler jyldan bastap aýylda turatyn 2 mln-nan astam adamdardy sapaly ınternetpen qamtý jobasyn bastamaq. Keler jyly bastasaq 2020 jyly aıaqtaımyz. 1200 aýyldy jyldam ınternetpen qamtamasyz ete alady.

«Ekinshiden, ulttyq múddeni úgitteýdi utymdy júrgizý. Alaıda búgingi zaman aǵymy ulttyq másele uǵymyn til men dil, ádebıet pen tarıh, mádenıet aıasynda ǵana emes, aýqymdy qarastyrýdy talap etedi. Qazirgi úlken problemanyń biri ulttyq múdde máselesin jalań uranmen almasyp ketti. Arandatýshylyq sıpat ta kórinis beredi. Áleýmettik jelide jurttyń namysyna tıip, janjalǵa shaqyrǵan «patrıottyq» pikirler beleń alyp barady. Jahandyq máselelerdiń damýyna úles qosatyn aqparatty halyqqa tıimdi jetkize bilý – qazirgi jýrnalıserdiń ulttyq múddege qyzmet etýdegi basty mindeti.

Úshinshiden, dástúrli baǵyt pen jańa medıanyń qarym-qatynasynyń tereńdeýi. Búgingi tańda áleýmettik medıa basymdyq tanytyp tur degen pikirler kóp. Alaıda zertteýlerge sáıkes, áli de dástúrli baǵyttyń, sonyń ishinde telearnalardyń Feısbýkke qaraǵanda yqpaly úsh esege artyq. Osy rette, dástúrli baǵyt pen jańa medıa birin-biri tolyqtyratyn keshendi quralǵa aınalýy tıis», - dedi Dáýren Abaev.

Aıta keteıik, qazaq saıttary redaktorlarynyń alǵashqy konferensıasy 2013 jyly 22 qańtarda ótken. «Qazaq ınternetiniń jańa deńgeıge kóterilýi úshin 2-3 jetkilikti», - delingen edi forým barysynda.  Ol ýaqytta qazaq saıttarynyń qalyptasý kezeńi aıaqtalǵan. Aldaǵy maqsat – olardyń jumys sapasyn jaqsartý jolynda jumyla áreket etý bolǵan.