Murat Telibekov kólikte kóz jumǵan júrgizýshini vıdeoǵa túsirgeni úshin ustalǵan, degenmen Musylmandar odaǵy ony belgisiz bireýler uryp ketkenin málimdedi dep habarlaıdy Qamshy.kz aqparat agenttigi Sputnik Qazaqstan saıtyna silteme jasaı otyryp.
«Qazaqstan Musylmandary odaǵy» birlestiginiń basshysy Murat Telibekov kólikte kóz jumǵan júrgizýshini vıdeoǵa túsirgeni úshin ustaldy, dep habarlady Almaty İİD resmı ókili Saltanat Ázirbek.
Polısıanyń málimetinshe, Tımırázev kóshesimen kele jatqan júrgizýshi ózin jaısyz sezinip, jol shetine toqtap, sol jerde kóz jumǵan. İİB qyzmetkerleri qajetti sharalardy qolǵa alyp jatqan kezde oqıǵa ornyna Telibekov kelgen. Ol týystarynan ruqsat almastan, qaza bolǵan adamnyń máıitin vıdeoǵa túsire bastaıdy.
"Týystary eskertý jasaǵan, biraq ony elemegen. Sol kezde Telibekov pen marqumnyń ákesiniń arasynda janjal shyqqan. Jol polısıasynyń ekıpajy Telibekovty tutqyndap, túsindirý jumysyn júrgizý úshin AİİB-ge jetkizedi. Sol jerde ol ózin renjitkenderdiń ústinen aryz jazdy, sodan keıin ony bosatyp jiberdi", — dedi Ázirbek.
Murat Telibekovtyń soqqyǵy jyǵylǵany týraly habarlamany keshe Qazaqstan Musylmandary odaǵy taratqan bolatyn. Oqıǵa 19 jeltoqsa kúni Ál-Farabı atyndaǵy QazUÝ aýmaǵynda bolǵan.
"Ýnıversıtet stýdentteri men oqytýshylarynyń kóz aldynda belgisiz bireýler M.Telibekovty uryp-soqty… Soqqyǵa jyǵylǵan quqyq qorǵaýshyny polıseıler kólikke kúshtep mingizip, uıaly telefonyn tartyp alyp, Bostandyq AİİB-ge alyp ketti", — dep jazylǵan QMO habarlamasynda.
"Qazaqstan Musylmandary odaǵy" birlestigi 2005 jyly jeke qor retinde tirkelgen.
