Jaqynda ǵana ulttyq arnadan kórsetilgen «Qozy-Kórpesh Baıan-Sulý» eposyna baılanysty telehıkaıa qoǵamda qyzý talqylanyp jatyr. Syn men madaq qatar aıtylyp, jurt pikiri qaq jarylǵan óner týyndysy týrasynda Qamshy.kz tilshisi QR Eńbek sińirgen qaıratkeri Júrsin Ermannyń pikirin bildi.
«Qozy-Kórpesh Baıan-Sulý» degen epos, qazaq óneriniń máńgilik taqyryby bolyp kele jatyr. Myna Janat Qajıev degen rejıser, Torǵaıda júrgende, Torǵaı teatrynda osy spektákldy qoıyp, men ǵajaıyp qalǵanym bar. Áýezov teatryndaǵy «Qozy-Kórpesh» pen munyń ekeýiniń arasy jer men kókteı boldy. Endi ár rejıserdyń kórýine baılanysty ǵoı. Fılm de shyqty. Qazir mynaý «Qazaqstan» Ulttyq arnasynda túsirilgen «Qozy-Kórpesh Baıan-Sulý» serıal, qoǵamdyq ortada bir úlken oqıǵa sıaqty sózge aınalyp ketti. Men myna áleýmettik jelige onsha áýestigim joq, birak anda-sanda qazyr ashyp qalsam boldy, sodan basqa qazaq qoǵamynda másele qalmaǵandaı, osyny sóz qylyp jatyr. Endi onyń kórkemdik sapasy, basqa kemishilkteri bar shyǵar, biraq «Qazaqstan» Ulttyq arnasynyń basty ónimi bul emes qoı. Ulttyq arna Qazaqstannyń aıaǵynan turyp, aqparat aıdynynda óziniń ornyn tabý degen ońaı sharý emes. Ásirese teledıdardyń sharýasy, qarjydan bastap neshe túrli saıasattyń, ónerdiń basyn qosatyn jerde Erlan Qarın Ulttyq arnany jańǵyrtamyn, jasandyramyn, qoǵamǵa jaqyndatamyn dep talaı sharýany bastan ótkerip jatyr.
Qazir halyqqa jaqyndaý, erkin pikir aıtatyn adamdar Ulttyq arnanyń ekranyna shyǵa bastady. Bul ońaı sharýa emes. Endi sol aǵash attyń basyna mingizip, bir serıaldyń tóńireginde gúildetýdiń qanshalyqty qısyny bar? Bul jobasy sol Ulttyq arnanyń, onyń basshylarynyń jasap jatqan jańa qadamdaryna bógesin bolý, basqa bir bóten oılar bar ma? Biraq báribir ultqa jan ashyǵan kisilerdiń sharýasy emes! Osyny qarapaıym halyq ta kórip, túsinip, bilip otyr endi. Oılanatyn adamdar uǵynyp jatyr. Sondyqtan, keshe mysaly, osydan bes-alty jyl buryn, dál sol Ulttyq arnada myna úndiniń bir serıaly júrip jatty ǵoı. «Kelin» degen. Kúnde Qudaıdyń qutty kúni, kisilerdiń basyn aınaldyryp, jańaǵy arzan nárse, al sol kezde qaıda qaldy osy jurt, aıtatyn bolsa? Qanshama adamnyń mıyn ýlady! Ánsheıinde ermek qylatyn nárse ǵoı! Al endi qazir myna bir ózimizdiń eposymyz kınoǵa aınalǵan eken, sátti shyǵar, sátsiz shyǵar, nege osyny sonshama sozyp kettik? Osynyń ar jaǵynda bir jańaǵy saıası kózqarastar, oıyndar turǵan sıaqty bolyp kórinedi maǵan. Qazaq qoǵamy – osyny qashan toqtatady? Osy ózimizdi-ózimiz aıaqtan shalyp, ózimizdi-ózimiz iritip-shiritýdi qoıatyn kez boldy ǵoı.»
