Jastaıynan urlyq jasap, túrmege túsip, sonyń saldarynan úlken qıyndyqtarǵa tap bolǵan er adamnyń qamaýdan keıingi bastan ótkergen oqıǵasyn Qamshy.kz aqparat agenttigi oqyrman nazaryna usynady.
16 jasymda anama vagondaǵy júkterdi tasyp jumys istep júrmin dep ótirik aıtatynmyn. Shyn máninde, urlyq jasap aqsha taýyp, kún kórip júrgenmin deıdi 39 jastaǵy Edýard.
Jastyq shaq. Sol ýaqytta alǵashqy súıikti qyzym paıda boldy. Onyń jasy 21-de bolatyn. Sonyń kóńilin aýlap, syılyq alyp berý úshin aqsha kerek boldy. Eń alǵash túrmege osy urlyq úshin otyrdym. Qamaýda bolǵan ýaqytta ızolátordan shyqpaıtynmyn. Sebebi ákimshilikpen jıi urys-keris ornaıtyn. Meni uryp-soǵatyn, tynyshtandyrý úshin túrli ádis-tásilderdi qoldanatyn.
Osydan on jyl buryn bostandyqqa shyqtym. Qamaýdan shyqqannan keıin ómirim tozaqqa aınaldy.
Anama qaraılasyp júrgen týystarym ony jyndyhanaǵa jatqyzyp tastaǵan eken. Ony ol jerden alyp ketýge tyrystym, alaıda sanıtar qyzmetkerleri uryp-soǵyp qýyp jiberdi. Osyǵan qaramastan anamdy jyndyhanadan alyp kettim. Ol jerde anamdy dári-dármekke «otyrǵyzyp» tastaǵan eken. Basqa túsken aýyrtpalyqtyń bul bergi sheti ǵana.
Týysqan baýyrym páterimdi tartyp almaqshy boldy. Meni ıtshe tepkilep, men jasamaǵan urlyq úshin páterimdi berýimdi talap etti. Alaıda, polısıa meniń ol aıtyp otyrǵan urlyqty jasamaǵanymdy anyqtady. Baýyrym oǵan da boı bermeı, týǵan apamyzdy órtep jibergen. Osynyń bárin ol apamyzdyń páterin alý úshin istegen. Sumdyq...
Ózim sıaqty qoǵamnan oqshaý ómir súretin áıel taýyp, sonymen qosyldym. Qyzdy boldyq. Alaıda, meniń sózim áıelime ótpeıtin, sebebi ózim de durys úlgi bola almadym. Bir kúni áıelim men birneshe er adamnyń pyshaq taqaǵanynan oıanyp kettim. Olar menen páterdi óz attaryna aýdarýdy talap etti.
Qalypqa keltirý ortalyǵyna emdelýge baryp kelgen soń áıelim bizdiń úıimizde esirtki saýdasymen aınalysyp júrgeniniń ústinen tústim. Polısıa shaqyrtyp edim, olar páter ishindegilerdi emes meni qýyp shyqty.
Anam kóz jumdy. Áıelim Lúba bolsa meniń atyma 53 aryz jazǵan. Nátıjesinde Lúba túrmege otyrdy, ony ata-ana quqyǵynan aıyrdy.
"Meni ózgertken shirkeý boldy. Shirkeýge baryp júrgen ýaqytta meni qaıta qamaýǵa almaqshy boldy. Alaıda osy kezde Valentın Vasılevıch esimdi er adam sotty meni qamaýdyń ornyna mindetti jumystar jasaýǵa kóndirdi. Qazirgi jubaıymdy sol ýaqytta kezdestirdim. Onyń da esimi birinshi áıelimdiki sıaqty Lúbov. Meni barlyq maǵynada mahabbat qutqardy"-deıdi ol.
