Sońǵy 3 jylda elimizde jemqorlyqqa jol bergen 2 jarym myńnan asa adam sottaldy. Bul týraly Qamshy.kz aqparat agenttigi 24.kz-ke silteme berip habarlaıdy. Arasynda sheneýnikter men memlekettik kompanıa basshylary da bar. 17 mlrd teńge memleket qazynasyna qaıtaryldy.

Osylaı degen Elbasy halyqqa joldaýynda jemqorlyqpen kúres jáne zańnyń ústemdigi taqyrybyna toqtalyp, osy baǵytta aýqymdy ister atqarylyp jatqanyn aıtty. Tıisti máseleni qozǵaı otyryp, Prezıdent memlekettik organdardaǵy úderisterdi sıfrlandyrý mańyzdylyǵyn da atap ótti. «Osy rette halyq ótinishteriniń qarastyrylý barysyn qadaǵalap, kókeıindegi suraqtarǵa ýaqytyly jaýap alý», – kerek deıdi. Elbasy sondaı-aq sot jáne quqyq qorǵaý júıesindegi túbegeıli ózgeristerdi de tilge tıek etti. Atap aıtqanda, qazir zańnamaǵa qylmystyq prosestegi azamattardyń quqyǵyn qorǵaýdy kózdeıtin normalar engizilip jatyr. Advokattardyń quqyǵy keńeıtilgen. Quqyq qorǵaý organdarynyń ókilettigi men jaýapkershilik aımaǵy da ajyratylǵan.