Facebook áleýmettik jelisiniń negizin qalaýshy Mark Sýkerberg aldaǵy ýaqytta atalmysh jelide oryn alatyn ózgerister jaıynda aıtty, dep habarlaıdy Qamshy.kz aqparat agenttigi. Sýkerberg bul jaıynda óziniń jeke paraqshasynda jazdy.

«Men bizdiń jumys tobymyzǵa ózara áleýmettik árekettesýdi  qalyptastyrý úshin durys mazmundy kontent tabýǵa kómektesý maqsatynda ózgerister engizdim. Eń aldymen, sizder jańalyqtar lentasynan ózgeristerdi baıqaıtyn bolasyzdar», - deıdi Sýkerberg.

Onyń aıtýynsha, túrli kompanıalar men BAQ-tyń posttary azaıyp, olardyń mazmuny adamdar arasyndaǵy mańyzdy qarym-qatynasty ornalastyrýǵa qatysty bolýy mindetteledi.

«Mundaı ózgeristerdi engizgennen keıin adamdar bul jelide kóp otyrmaıdy dep oılaımyn jáne de saıttarǵa kirý múmkinshiligi de azaıatyn bolady. Alaıda, siz Facebook jelisinde otyryp qurtqan ýaqytyńyz bos ketpeıdi dep úmittenemin. Eger meniń istep otyrǵanym durys bolsa, onda bul qoǵamǵa oń ózgerister engizedi dep oılaımyn», - deıdi ol.