Italıada janýarlarmen birge sırkte óner kórsetýge tyıym salý týraly zań qabyldandy, dep habarlaıdy Qamshy.kz aqparat agenttigi Pnp.ru saıtyna silteme jasaı otyryp. Bul jaıynda jergilikti Corriere della Sera basylymy jazdy.

Italıandyq «Vıvıseksıaǵa qarsy lıgasynyń» músheleri atalmysh zańǵa qoldaý bildirip, bul – janýarlardy qorǵaý úshin jasalyp otyrǵan qadamdardyń biri dep qabyldady. «Álemdegi 50 eldegi sekildi endi Italıada da janýarlardy sırkke shyǵarýǵa tyıym salynatyn boldy», - deıdi lıga músheleri.

Qoǵamda júrgizilgen saýalnama nátıjesinde, 71 paıyz ıtalıandyqtar atalmysh zańdy durys dep taýyp, qoldaý bildirgen.

Janýarlarmen birge sırkte óner kórsetýge tyıym salýǵa senator Karlo Djovanardı qarsylyq bildirip, «bul sırktyń tarıhı mádenıetin qurtady» dep málimdegen.

Aıta keter bolsaq, parlamentte atalmysh zańdy talqyǵa salyp jatqan ýaqytta Montechıtorıo saraıynyń aldynda sırk ártisteriniń ereýili ótken.