Jańa jyl qarsańynda Latvıa astanasy Rıgada QR Prezıdenti Ákimshiliginiń eks-jetekshisi Aslan Mýsınniń uly Asylbek Mýsın Rıgada qaza tapqan bolatyn.
Alaıda birneshe jyl buryn qazaqstandyq BAQ-ta esimi dúrkirep turǵan adamnyń qandaı jaǵdaıda qaza tapqany belgisiz. Asylbek Mýsınniń rıgalyq áriptesteriniń aıtýynsha, Mýsınniń ólimin polısıa óz-ózine qol jumsaý dep baǵalap otyr. Qazir tergeý jumystary men ekspertıza júrgizilip jatyr, dep jazady Qamshy.kz aqparat agenttigi Karavan málimetine súıenip.
Bir qyzyǵy, Asylbek Mýsınniń qazasy jaıynda Telegram jelisinde birinshi bolyp saıasattanýshy Talǵat Qalıev jazdy. Talǵat Qalıev pen Asylbek Mýsın arasynda kópshilikke belgili eshqandaı dostyq, áriptestik, tanystyq joq. Al rıgalyq BAQ betterinde bul aqparat Qalıev habarlaǵannan bir kún keıin taraǵan.
Latvıanyń málimetinshe, Asylbek Mýsın Rıganyń shet jaǵyndaǵy kópqabatty úılerdiń birinde turǵan. Mýsınniń denesin tapqan kórshileri men aýla sypyrýshynyń aıtýynsha, ol tynysh ári qalypty ómir súrgen.
Kórshileriniń Mýsınniń úıine kelgen-ketken eshkimdi baıqamaǵan. Balalaryn mektep pen balabaqshaǵa Asylbektiń ózi emes, basqa adamdar aparyp turǵan. Ol ortasyna syıly adam bolǵan. Al qazaqstandyq sheneýniktiń balasy qalaı ómir súrip jatqany jaıynda tamyz aıynyń 22-shi juldyzynda belgili boldy. Sol kúni jatyrdaǵy nárestesinen aıyrylǵan Asylbek Mýsınniń áıeli 15-shi qabattan qulaǵan.
Al rıgalyq basylymdardyń aıtýynsha, Asylbek Mýsın áıeliniń óliminen keıin daý kótermegen, kúızeliske túsken. Jergilikti tilshilerdiń aıtýynsha, áıeli ózine-ózi qol salǵan.
Al Asylbek Mýsınniń sýısıd jasaýyna ıtermeleıtindeı ishimdik nemese nasha paıdalanǵany jaıynda naqty derekter joq. Al onyń jeke bıznespen nemese Qurandy nasıhattaýmen aınalysqany týraly áriptesteri de jaýap bere almaı otyr.
Ótken jyly Asylbek Mýsın 38 jasqa tolǵan. Artynda 3 balasy qaldy.
***
«2008-2013 jyldary «İzgi Amal» qozǵalysy belsendi túrde sahnaǵa shyǵa bastady. Jeke sapashylar ony Qazaqstan bıligindegi muragerlik joldy sheshýge qurylǵan saıası-tehnologıalyq joba deýge asyqty.
Óz sózinde Asylbek Mýsınniń ákesi Aslan Mýsın «İzgi Amal» sekta emes, patrıot ári Qudaıdyń bar ekenine senetin barlyq adamǵa esigi ashyq ıntellektýaldy klýb dep ataǵan bolatyn.
Alaıda joba sol kúıi iske aspady, al Asylbek japa shekti. Meniń oıymsha, eger Asylbek ózine qol saldy desek, onyń basty sebebi retinde onyń jaqyndarynyń satqyndyǵy, ony ózgelerdiń túsinbeýi dep bilemin. Sebebi, Asylbektiń jaqtastarynyń boıynda joq qaǵıdalar, qasıetter onyń boıynda boldy» dedi «İzgi Amal» qozǵalysynyń saıtyn jasaǵan Aleksandr Chýlkov.
«Asylbektiń ózgege degen qurmeti men ózin syılaýy meniń esimde jaqsy saqtalǵan. Onyń birneshe jyl óz jolyn izdeý jolynda Sırıada da turǵanyn ekiniń biri bile bermeıdi. Odan keıin Amerıka Qurama Shtattarynda boldy, sol jaqtan Quranǵa degen qyzyǵýshylyǵy oıandy. Negizinde, Asylbek óz jolyn izdegen fılosof bolatyn. Ózin tolyqtaı ashpaı, ómirden erte ótkeni ókinishti» dep aıaqtady sózin A.Chýlkov.
