Búgin, 12-shi qańtar Qaraǵandy oblysy, Jezqazǵan qalasy, «Ahmet Ishan Orazaıuly» meshitinde juma namazynan keıin «Janaza jáne jerleý rásimderi» atty semınar ótti dep habarlaıdy Qamshy.kz aqparat agenttigi. Semınarǵa bas ımam Mádı Toqpanuly, naıb ımamdar jáne qala aqsaqaldary qatysyp, QMDB-nyń «Janaza jáne jerleý rásimderi» atty kitabynyń myna pátýalary alynyp, bir sheshimge keldi:

1. Janazada Mıtıń toqtatylsyn,
2. Janazada marqumnyń artynan jyrtys taratý toqtatylsyn,
3. Qudaıy as dastarhanynda tort, jemis-jıdekter qoıylmasyn,
4. Marqumnyń jetisin kafeden emes, tek úıden berý. Jetisine kóńil aıtatyn adamdar ǵana barylsyn,
5. Janazanyń asynda dastarhannan eshteńe almaý. Óıtkeni qaraly úıge kóńil aıtýǵa keletin qonaqtary bolady. (qaıta-qaıta shashylmas úshin),
6. Janazanyń asynda, qyrqynda, jylynda sóz sóıleý toqtatylsyn.
7. Janazanyń asynda, jetisinde, qyrqynda, jylynda vıdeo rolık kórsetpeý.
8. Dálelindegi (qonaq asy) tamaq berý toqtatylsyn. (qaraly úıde 3 kúnge deıin tamaq berilmeıdi).
Qorytyndylaı kele, aıtylǵan pátýalardy aqsaldardyń barlyǵy biraýyzdan qoldap, qabyldady. Jáne meshit asqanasyndaǵy as mázirin aqsaqaldar jáne jamaǵattar birige otyra sheshim qabyldady. Oǵan mynalar kiredi:

1. Baýyrsaq,
2. Maı,
3. Qant,
4. Jent,
5. Órik, meıiz.
6. Kámpıt
7. Pechene

Jezqazǵan qalasy, «Ahmet Ishan Orazaıuly» meshiti