Búgin atmosferalyq fronttardyń ótýine baılanysty elimizdiń basym bóliginde sıklonnyń yqpaly saqtalyp, keı jerlerde jaýyn-shashyn túsedi dep boljanýda, respýblıkanyń ońtústik jáne ońtústik shyǵysynda qalyń qar jaýyp, tuman túsedi, kóktaıǵaq bolady, jel kúsheıip, burqasyn bolady, dep habarlaıdy Qamshy.kz aqparat agenttigi Qazgıdrometke silteme jasaı otyryp.

Jambyl, Ońtústik Qazaqstan oblystarynyń keı jerlerinde jel kúsheıedi – 15-20 m/s, tuman túsip, kóktaıǵaq, jaıaý burqasyn bolady. 

Almaty oblysynda tuman túsedi, Jalańashkól aýmaǵynda jel 18-23 m/s kúsheıedi. 

Mańǵystaý, Qyzylorda oblystarynyń keı jerlerinde tuman túsip, kóktaıǵaq bolady. 

Aqmola oblysynda tuman túsip, burqasyndatady. 

Batys Qazaqstan, Atyraý, Qostanaı, Soltústik Qazaqstan, Pavlodar, Qaraǵandy oblystarynda, túnde jáne tańerteń Aqtóbe oblysynyń  keı jerlerinde tuman túsedi.