Elordalyq polıseıler terorızmge qatysty osal nysandardy tekserýdi jalǵastyryp jatyr. Ótken jyly 1106 nysan tekserýden ótip, onyń ishinde 44 menshik ıesine 11 mln 980 myń teńge aıyppul salyndy, dep habarlaıdy Qamshy.kz aqparat agenttigi Astana ákimdiginiń resmı saıtynyń málimetine súıenip.
«Ákimshilik quqyq buzýshylyq týraly kodekstiń 149-baby boıynsha 35 ákimshilik hattama toltyryldy, ÁQtK 463-baby boıynsha 9 ákimshilik hattama toltyrylyp, jalpy somasy 11 mln 980 myń teńgeni qurady», – dep habarlady Astana qalalyq İİD ekstremızm men terorızmge qarsy kúres basqarmasy.
QR Úkimeti bekitken tizimge sáıkes, adamdar kóp jınalatyn jerlerge qatysty: saýda úıi, qoǵamdyq tamaqtaný orny, konsert zaly, sporttyq keshender, vokzal, temirjol stansıasy, bilim, densaýlyq, qulshylyq etetin ǵıbadathanalar, memlekettik organdar nysany, pochta jelisi, qonaq úıler, demalys aımaqtary, pansıonattar jatady.
Búginde adamdar kóp jıylatyn jerlerdiń basshylary jiberetin jıi qatelikter mynalar: nysannyń terorızmge qarsy qujatynyń joqtyǵy, qaýipsizdiktiń qamtylmaýy, perımetr boıynsha beınekameranyń joqtyǵy nemese sanynyń jetkiliksizdigi.
Polıseıler QR ÁQtK 149-babyna sáıkes oryndamaǵany nemese adamdar kóp jıylatyn jerge qatysty nysannyń qaýipsizdigin jetkilikti deńgeıde saqtalýyn, terorızmge qarsy qorǵanýdy qamtamasyz etý mindetin atqarmaǵany úshin basshylary men qojaıyndaryna ákimshilik aıyppul salynady, ıaǵnı jeke laýazymdy tulǵalarǵa 100 AEK (226 900 teńge) kóleminde. Al komersıalyq emes uıymdar men shaǵyn kásipkerlik sýbektilerine 200 AEK (453 800 teńge), orta bıznes sýbektilerine 300 AEK (680 700 teńge) jáne iri kásipkerlik sýbektilerine 500 AEK (1 134 500) aıyppul salynady.
Sondaı-aq kórsetilgen bap boıynsha ákimshilik materıaldy quraǵannan keıin nysan basshylaryna atalǵan kemshilikterdi 30 táýlik ishinde kózin joıý týraly uıǵarym shyǵarylady. Eger osy kórsetilgen merzimde kemshilikter joıylmasa, nysan basshysyna qaıtadan 462 ÁQtK boıynsha ákimshilik hattama toltyrylyp, taǵy da qosymsha aıyppul tóletedi, keıbir jaǵdaılarda nysannyń jumysy toqtatylady.
