Qazaqstan Respýblıkasynyń Memlekettik hatshysy Gúlshara Ábdiqalyqova Slovakıanyń Qazaqstandaǵy elshisi Peter Iýzamen kezdesti, dep jazady Qamshy.kz aqparat agenttigi. Bul týraly Aqordanyń baspasóz qyzmeti habarlady.
Memlekettik hatshy G. Ábdiqalyqova elimizdegi dıplomatıalyq mısıasy aıaqtalatyn Slovakıanyń Qazaqstandaǵy elshisi P.Iýzamen kezdesý ótkizdi.
Kezdesýde Qazaqstan men Slovakıa arasyndaǵy qarym-qatynastyń qazirgi jaǵdaıy, sondaı-aq saıası, ekonomıkalyq jáne mádenı-gýmanıtarlyq yntymaqtastyqtyń perspektıvalary talqylandy.
Bıyl Qazaqstan men Slovakıa dıplomatıalyq qarym-qatynastarynyń 25 jyldyǵyn atap ótýde. Osyǵan oraı eki memleket arasyndaǵy turaqty ári sapaly deńgeıdegi saıası baılanystarǵa oń baǵa berildi.
G. Ábdiqalyqova «EKSPO-2017» kórmesine qatysqany úshin Slovakıa basshylyǵyna rızashylyq bildirip, Slovakıanyń balamaly energetıka salasyndaǵy jetistikteriniń mańyzdylyǵyn atap ótti.
Memlekettik hatshy Qazaqstandaǵy tabysty qyzmeti úshin Slovakıa elshisine alǵys aıtty.
