Kezdesýde A.Smolın Memleket basshysyna Joǵarǵy Sot keńesiniń 2017 jylǵy qyzmeti jáne Qazaqstan sýdıalarynyń VII sezinde berilgen tapsyrmalardyń oryndalý nátıjeleri jóninde baıandady. Bul jóninde Qamshy.kz aqparat agenttigi Aqordanyń baspasóz qyzmetine silteme jasap habarlaıdy.

Nursultan Nazarbaev Joǵarǵy Sot keńesiniń sot tóreliginiń sapasyn arttyrýdy qamtamasyz etý maqsatymen mamandardy irikteý jóninde atqaryp jatqan jumysyna toqtaldy.

– Biz sot júıesindegi reformany zań ústemdigin qamtamasyz etý úshin júrgizýdemiz. Sot kadrlaryn irikteýdi ádileti júrgizý úshin biz derbes Joǵarǵy Sot keńesin qurdyq. Ol táýelsiz jáne eshkimge baǵynbaıdy, – dedi Qazaqstan Prezıdenti.

Elbasy Ult josparynyń 17-qadamyn iske asyrý turǵysynan sýdıa laýazymyna úmitkerlerdi irikteý barysynda merıtokratıa qaǵıdatyn basshylyqqa alý qajettigine nazar aýdardy.

– Bul kadrlardy irikteýdiń sapasyn arttyrýǵa tıis. Tek ádil sheshim qabyldaıtyndardy taǵaıyndaý kerek. Adamdar sonda ǵana óz quqyqtaryn qorǵaý úshin sotqa júginetin bolady, – dedi Memleket basshysy.

Sonymen qatar, Anatolıı Smolın Nursultan Nazarbaevqa atqaryp jatqan qyzmetiniń, sonyń ishinde Elbasynyń Qazaqstan halqyna «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty joldaýyn iske asyrý, sondaı-aq quqyq qorǵaý qyzmetin reformalaý aıasynda qurylǵan tergeý sottarynyń quramyn qalyptastyrý barysyndaǵy qyzmetiniń perspektıvti baǵyttary jóninde baıandady.

Kezdesý qorytyndysy boıynsha Qazaqstan Prezıdenti birqatar naqty tapsyrma berdi.