Astanada Bas múftı Serikbaı qajy Orazdyń tóraǵalyǵymen ótken kezekti resmı jınalysta elimizdegi din qyzmetkerlerine osyndaı uran tastady dep habarlaıdy Qamshy.kz aqparat agenttigi QMDB-nyń baspasóz qyzmetine silteme jasap. 

Jınalysqa birinshi naıb múftı, «Áziret Sultan» meshitiniń bas ımamy Naýryzbaı qajy Taǵanuly, naıb múftıler – Alaý Ádilbaı, Baýyrjan Esmahan, QMDB apparat jetekshisi Ǵylymbek Májıev, múftıat qyzmetkerleri qatysty. 

«Alla Taǵala qasıetti Quran Kárimniń «Raǵyd» súresiniń 11-aıatynda: «Qaıbir qaýym ózin-ózi ózgertpeıinshe Alla ony ózgertpeıdi», – dep baıandaǵan. Jańa qyzmetimde din qyzmetkerleri arasynda «Ózgerýdi ózińnen basta!» degen uran tastaımyn. Eger adam ózgerse, onyń kórshisi ózgeredi. Odan keıin qoǵam ózgeredi. Bul máselede ár adamnyń oıy, sana-sezimi ózgerýi mańyzdy», – dep atap ótti Bas múftı Serikbaı qajy Oraz.

QMDB tóraǵasy S.Satybaldyuly naıb múftılerge osy bastama aıasynda keshendi baǵdarlama qabyldap, ıgi jobalardy júzege asyrýdy tapsyrdy.