AQSH prezıdenti Donald Tramp KHDR azamattarynyń kópshiligi óz elderin tastap qashyp jatqany jaıynda aıtty, dep habarlaıdy Qamshy.kz aqparat agenttigi Rıa novostı deregine súıene otyryp.
Juma kúni Donald Tramp Aq úıde Soltústik Koreıadan kelgen birneshe bosqyndardy qabyldaǵan bolatyn.
«Búgin bizge erekshe top keldi. Olar – Soltústik Koreıadan kelgen bosqyndar. Sońǵy jyldary óz elin tastap qashyp kelip jatqandar legi kóbeıýde. KHDR ómir súrýge tym qolaısyz memleket, sol úshin de adamdarǵa ol unamaıdy. Óte úlken qater bar», - dedi Tramp bosqyndarmen kezdesý barysynda.
Bosqyndardyń biri Soltústik Koreıa ýnıversıtetinde profesor bolǵanyn aıtty. Onyń otbasyn abaqtydaǵy saıasatkerler úshin qamaýǵa almaq bolǵan, sondyqtan da 2004 jyly bul profesor óz elinen qashyp shyqqan.
