Almatylyq jigit qyzdar arasyndaǵy Miss Virtual Kazakhstan - 2018  sulýlyq baıqaýyna qatysyp, fınalǵa jetti. Bul týraly Qamshy.kz aqparat agenttigi  Spýtnık Qazaqstan málimetine súıenip habarlaıdy.

Oqıǵanyń basty keıipkeri – 22 jastaǵy jigit. Ilaı Dágılev baıqaýǵa óziniń sýretterin jibergen. Jas jigittiń Shymkenttik arý  Arına Alıevanyń obrazyndaǵy sýretteri kóptegen qazaqstandyqtardyń kóńilinen shyqqan.  Sol arqyly ol fınalǵa ótken.

«Dostarymnyń arasynda  sulýlyq jaıly daý boldy. Sol kezde men  osy baıqaýǵa qatysamyn dep sheshtim. Ózim tabıǵı sulýlyqty jaqtaıtyndardyń qatarynanmyn. Búginde qyzdardyń basym kópshiligi birdeı boıanady, birdeı kıinedi jáne ózderin sán qýyp júrip sulý sanaıdy. Al men olaı oılamaımyn»,- deıdi Ilaı Dágılev.

«Barlyǵy shekten shyǵyp ketkendikten, fınalǵa jetken kezde Arına Alıevanyń obrazyn ashýdy jón sanadym.  Bastapqyda Qazaqstan boıynsha bul baıqaýǵa tórt myń ótinish túsken, sonyń ishinde men fınalǵa óttim»,- deıdi oqıǵanyń keıipkeri.

Qazaqstandyqtardyń basym kópshiligi jigittiń bul áreketin qoldaǵan kórinedi.

"Men qyzdardyń beınesine enip, adamdardy aldaýǵa shaqyrmaımyn. Men tek ár adamnyń ózine tán shynaıylyǵy men jeke tulǵa retinde ózindik bolmysy bolǵanyn qalaımyn. Qoǵamdaǵy birtekti beınelerdiń kóbeıgenine qarsymyn",- dep aıaqtady sózin I. Dágılev. 

Aıta ketsek, Ilaı Dágılev Almatyda model bolyp jumys isteıdi.