Tegeran polısıasy hıdjab kıýge qatysty zańǵa qarsylyq bildirip ereýilge shyqqan 29 áıeldi tutqyndady, dep habarlaıdy Qamshy.kz aqparat agenttigi euronews.com saıtyna silteme jasap.

Polısıa bólimshesinde olardy qoǵamdyq tártipti buzǵany úshin qamaýǵa alyndy dep málimdedi.

Esterińizge sala ketsek, áleýmettik jelide ırandyq áıelderdiń oramaldaryn sheship, tý ustap turǵan sýretteri paıda bolǵan edi. Quqyq qorǵa organdary, tutqynǵa alynǵan áıelder sheteldik propagandashylardyń yqpalyna ushyraǵan dep aıtty.

Mindetti hıdjap kıýge qatysty zańǵa memlekettiń eks-prezıdentiniń qyzy Faeze Hashemı Rafsandjanı da qarsy shyqqan.

«Hıdjabty mindetti túrde kıý kerek degen zańǵa qarsymyn. Kez kelgen adamnyń tańdaý quqyǵy bolýy qajet. Men ózimdi musylman femınısteriniń qataryna jatqyzamyn. Áıelder men erlerdiń quqyǵy teń bolýy kerek», - deıdi ol.

Aıta keter bolsaq, ırandyq áıelder men ózge ult ókilderine qoǵamdyq jerlerde oramalsyz júrýge qatań tyıym salynǵan zań 1979 jyly qabyldanǵan. Sońǵy jyldary mundaı talaptyń oryndalýyna basa nazar aýdarýda.