Eýrazıalyq Top (ERG) quramyndaǵy «Eýroazıattyq energetıkalyq korporasıasy» AQ elektr stansıasynyń ujymy №2 energobloktaǵy 4.0 Indýstrıasy elementteri jumysynyń aralyq qorytyndysyn shyǵardy.
2017 jyldyń jeltoqsan aıynda EEK energetıkteri kúrdeli jóndeýden ótken №2 enegoblokty iske qosty. Bul rette blok quramyna jańartylǵan jabdyqtar qatarynda symsyz dachıkter, dachıkter monıtorıńi men dirildıagnostıka júıeleri sıaqty tórtinshi ónerkásiptik revolúsıasynyń elementteri de iske qosyldy.
– Bizdiń jumysymyz, shynynda, Elbasy aldymyzǵa qoıǵan maqsattardy júzege asyrýdaǵy sheshýshi qadam. Tórtinshi ónerkásiptik revolúsıa týraly kópshilik tek aıtqany bolmasa, dál biz osy aýqymdy, uzaq merzimdi baǵdarlamany júzege asyrýmen aınalysa bastaǵan Qazaqstandaǵy birinshi energetıkalyq kásiporyn bolyp turmyz, – dep, «EEK» AQ prezıdenti Valerıı Grınenko dedi.
Jańa júıelerdi bir aı tájirıbelik-ónerkásiptik paıdalaný, olardyń tıimdiligin kórsetti.
– Qysymnyń symsyz dachıkterdiń buzylýy, sondaı-aq syrtqy elektrmagnıt órisiniń áserinen radıo arnasy boıynsha baılanystyń joǵalýy tirkelmegen, bul stansıada dachıkterdiń qalypty jumys isteýine kedergi keltirýi múmkin jabdyqtardyń kóptigin eskersek jaqsy nátıje, – dedi «EEK» AQ Aqsý elektr stansıasy jylý avtomatıka jáne ólsheý sehynyń bastyǵy Roman Paýstánov. – Symsyz dachıkterdiń kádimgi symdy dachıktermen salystyrmaly taldaý olardyń kórsetkishteriniń 100% sáıkestigin kórsetti. Dachıkter monıtorıńi júıesi iske qosylyp, qyzmetkerler oń pikir bildirdi. Olardyń aıtýynsha, jańa jabdyqtardyń negizgi artyqshylyǵy – dıagnostıka jasaý men konfıgýrasıany tekserý maqsatynda dachıkterge qysqyshtardy qosý qajet emes, óıtkeni bul jumys túri qashyqtyqtan jasalady. Dirildıagnostıka júıesine kelsek, ol áli de baptaý satysynda: daıyndaýshy zaýytynyń mamandary júıe algorıtmderin beıimdeý úshin jabdyqtyń jumys tártibi boıynsha derekter jınaıdy. Jarty jyldyq tájirıbelik-ónerkásiptik paıdalanýdyń nátıjesi boıynsha atalǵan jabdyqty odan ári qoldaný týraly sheshim qabyldanady.
Bul stansıa tarıhyndaǵy alǵashqy jańartylym emes. 2016 jyly Qazaqstanda balamasy bolmaǵan tehnologıalyq úderisterdi basqarýdyń avtomatandyrylǵan júıesi engizildi. Sol kezde «Interavtomatıka» JAQ mamandary stansıanyń jylý avtomatıka jáne ólsheý sehynyń jumysshylarymen birlese jabdyqty aýystyrdy.
Aqsý elektr stansıasynda 2001 jyldan beri energobloktardyń qaıta qurýy oıdaǵydaı júzege asyrylýda; segiz bloktyń beseýi keshendi jańǵyrýdan ótti. Búgingi tańda quny shamamen 204 mln dollardy quraıtyn №5 energoblokty qaıta qurý jumystary júrgizilýde. Aqsý ES qurylymdyq qýaty 2 450 MVt.
Bıyl birinshi energobloktiń iske qosylǵanyna 50 jyl. Respýblıkadaǵy elektr energıanyń shamamen 17% óndiretin Aqsý elektr stansıasynda 2001 jyldan beri jabdyqtardy jańartý jáne qaıta qurý baǵdarlamasy júzege asyrylyp keledi.
