«Kazakh Invest» pen Germanıa ekonomıkasynyń Ortalyq Azıadaǵy Ókildigi, elder arasyndaǵy ınvestısıalyq yntymaqtastyqty jandandyrý týraly  kelisimge keldi.

Búgin Almaty qalasynda «Kazakh Invest» Basqarma Tóraǵasy Saparbek Týıakbaev pen Germanıa ekonomıkasynyń Ortalyq Azıadaǵy Ókildigi basshysynyń orynbasary Katarına Koh arasynda kezdesý ótkizildi.

Kezdesý barysynda S.Týıakbaev «Kazakh Invest» aǵymdaǵy qyzmeti, Qazaqstandaǵy sheteldik ınvestorlarmen jumysta «bir tereze» prınsıpin engizý, sonymen qatar sheteldik kásipkerlerge usynylatyn ınvestısıalyq preferensıalar týraly aıtyp berdi.

«Biz Germanıany Qazaqstanǵa ınvestısıa salýǵa arnalǵan úlken áleýeti bar basymdyqty el retinde qarastyramyz. Nemis bıznesi óte ıkemdi, joǵary tehnologıaly, jahandyq naryqta aıtarlyqtaı óziniń orny bar. Jáne sondyqtan, «Kazakh Invest» nemis bıznesmenderiniń ınvestısıalyq jobalaryn qoldaýǵa daıyn», - dep ata ótti Saparbek Týıakbaev.

Óz kezeginde, Germanıa ekonomıkasynyń Ortalyq Azıadaǵy Ókildigi basshysynyń orynbasary Katarına Koh Germanıanyń Qazaqstanmen saýda-ekonomıkalyq yntymaqtastyǵynyń tereńdeýine múddeli ekendigin atap ótti.

«Bizdi uıymǵa Qazaqstanda ınvestısıa salýǵa arnalǵan áleýetti jobalardy izdeıtin, nemis bıznesmenderinen suranystar túsip otyrady. Biz mundaı qyzyǵýshylyqtyń bolýyna qýanyshtymyz jáne «Kazakh Invest» kómegimen barlyq uıymdastyrýshylyq suraqtar, onyń ishinde mıgrasıalyq sıpattaǵy máseleler sheshiletin bolady dep senemiz», - dep habarlady Koh.

Kezdesý qorytyndysy boıynsha taraptar nemis bıznesmenderiniń qatysýymen birlesken ınvestısıalyq sharalar ótkizý jaıynda kelisti.