Jeńildikpen avtokredıt berý baǵdarlamasy Ulttyq qordyń 8 mlrd teńge somasyndaǵy qosymsha qarajaty esebinen keńeıedi, dep jazady Qamshy.kz aqparat agenttigi. Bul týraly Qazaqstan damý bankiniń baspasóz qyzmeti habarlady.
«Qazaqstan damý banki» AQ Jeńildikpen avtokredıt berý baǵdarlamasynyń sheńberinde Ulttyq qor qarajatynyń 8 mlrd teńge somasyndaǵy úshinshi transhyn ekinshi deńgeıdegi bes bankke : Halyk Bank, Evrazıalyq bankke, «Reseı jınaq bankiniń» Qazaqstandaǵy enshiles bankine jáne «SentrKredıt» bankine 1 mlrd 875 mln teńgeden, VTB enshiles bankine (Qazaqstan) – 500 mln tenge jiberdi»,- deilngen habarlamada.
QR azamattary-jeke tulǵalaryna Qazaqstanda shyǵarylatyn jeńil avtokólikti satyp alýǵa kredıt berýdiń aǵymdaǵy sharttary mynadaı: syıaqynyń nomınaldyq mólsherlemesi – jyldyq 4%-dan aspaıdy, kredıt berý merzimi – 7 jyldan aspaıdy, qaryz valútasy – teńge, jeńil avtokóliktiń bir birliginiń quny – 15 mln teńgeden aspaıdy. Bastapqy jarnanyń mólsherin komersıalyq bankter derbes belgileıdi.
Qaryz alýshylarǵa Baǵdarlama sheńberinde avtokólikterdiń «Kia», «Chevrolet», «Skoda», «Hyundai» jáne t.b. sıaqty brendteriniń 60 modeli usynylady, olardy qurastyrý «SaryarqaAvtoÓnerkásip» JSHS jáne «AZIA AVTO» AQ kásiporyndarynda júzege asyrylady.
Qazaqstanda 2015 jylǵy sáýirde bastaý alǵan, operatory QDB bolyp tabylatyn Jeńildikpen avtokredıt berý baǵdarlamasy 20 jylǵa eseptelgen. Infraqurylymdyq damýdyń 2015-2019 jyldarǵa arnalǵan «Nurly jol» memlekettik baǵdarlamasynyń sheńberinde bólinetin Ulttyq qordyń qarajaty Baǵdarlamany qarjylandyrý kózi bolyp tabylady. Buǵan deıin Baǵdarlamany iske asyrýǵa Ulttyq qordyń jalpy somasy 26 mlrd teńge eki transhy jiberilgen bolatyn, olardy Baǵdarlamaǵa qatysýshy EDB tolyǵymen ıgerdi. Jeńildikpen avtokredıt berý qarajatynyń esebinen 10 000 jýyq qazaqstandyqtar otandyq óndiristiń jańa avtokólikterin satyp aldy. Berilgen qaryzdardyń jalpy somasy qaıtalap ıgerilgen qarajatty eseptegende, búgingi tańda 39 mlrd teńgeden asady. Qaryz alýshylarǵa kredıt berý revolverlik sıpatty ıelenedi, ıaǵnı jumys istep turǵan kredıtterdi óteýden túsetin tólemder jańadan avtokredıt berýge jumsalady.
