Bilim men ǵylymnyń qasterli mekeni sanalatyn ál-Farabı atyndaǵy Qazaq Ulttyq Ýnıversıtetiniń arheologıa, etnologıa jáne mýzeologıa kafedrasynda arheologıa jáne etnologıa mamandyǵy boıynsha tarıh bastaýlaryna sholý jasaıtyn bolashaq mamandar daıarlanady.
Fakúltettegi arheologıa,etnologıa jáne mýzeologıa kafedrasy 1971 jyly S. M. Kırov atyndaǵy Qazaq Memlekettik Ýnıversıtetiniń rektory Ý. A. Joldasbekovtyń usynysy boıynsha eń alǵash Qazaqstanda tarıh fakúltetinde ashyldy. Qazirgi tańdaǵy respýblıkada jáne onyń syrtqy aýmaqtarynda joǵary mamandanǵan kadrlar daıyndaý ortalyǵy – arheologıa, etnologıa jáne mýzeologıa kafedrasy bolyp tabylady. Sol kezde kafedra meńgerýshisi bolyp Qazaqstanda tanymal arheolog A. M. Orazbaev shaqyryldy. Bul mamandanǵan kafedranyń ashylýyna Qazaqstandaǵy arheologıalyq – etnologıalyq ǵylymnyń ıntensıvti damýy áser etti. Ásirese HH ǵ. ekinshi jartysynda mamandanǵan arheologtar men etnogroftar tarıh salasy úshin óte qajet boldy. Osy kafedrada ýnıversıtettegi tarıh fakúltetiniń arheologıalyq jáne etnografıalyq murajaıyna negiz bolǵan arheologıa jáne etnografıa kabıneti quryldy. Kafedranyń qurylǵan kúninnen bastap, ony Qazaqstandaǵy áıgili ǵalymdar basqardy. 1971 jyldan bastap 1974 jylǵa deıin - t.ǵ.k., dosent A. M. Orazbaev, 1974 jyldan bastap 1988 jyldar aralyǵynda - t.ǵ.d., profesor Ý. H. Shalekenov jáne 1989 jyldan bastap 2011 jyldar aralyǵynda - t.ǵ.d., profesor A.T. Tóleýbaev, 2011 jyldan 2016 jyldar aralyǵynda -t.ǵ.d., profesor A.B. Qalysh, 2016 jyldan búgingi kúnge deıin -t.ǵ.k. Ǵ.Q.Omarov basqaryp otyr.
Tarıhty zertteý úshin eń aldymen onyń túp-tamyryn zerdeleıtin ǵylymdarǵa úńilýimiz kerek. Solardyń biri keleli bolashaǵy bar etnologıa ǵylymy. Etnologıa ǵylymy – halyqtyń salt-dástúrin jańa zamanmen qabystyra zertteıtin jáne halyqtardyń turmys-tirshiligin, materıaldyq jáne rýhanı mádenıetterin, halyqtyń etnıkalyq tarıhy men etnologıalyq úderisterdi saralaıtyn ǵylym salasy. Etnografıalyq ekspedısıa barysynda ǵylymǵa áli belgisiz tyń dúnıeler ashylyp, tanys dúnıeler toltyrylyp odan ármen zerttele túsedi. Etnologıa ǵylymyndaǵy bilgir, elge syıly adamdardan aqparat alý, olarmen áńgime dúken qurý etnolog ǵalymdar úshin eń bir qyzyǵýshylyq týdyratyn sát. Qyzyǵy men shyjyǵy qatar júretin bul baǵyt bolashaǵynan mol úmit kúttiretin, keleshegi bar sala.
Ǵylymǵa tereń boılap, salt-dástúrlerdegi tyń dúnıelerdi jańǵyrtamyn degen barlyq jas túlekterdi bilim nárimen sýsyndaýǵa shaqyramyz, arheologıa jáne etnologıa mamandyǵy sizderdi asyǵa kútedi!
Maqala jetekshisi: M.Q.Egizbaeva – ál-Farabı atyndaǵy
QazUÝ arheologıa, etnologıa jáne
mýzeologıa kafedrasynyń dosenti, t.ǵ.k.
Beje Meıirhan
Tarıh, arheologıa jáne
etnologıa fakúlteti «5V020800 - Arheologıa jáne etnologıa»
mamandyǵynyń 3-kýrs stýdenti
