Ózbek ánshisi Sardor Mamadalıev Aqtóbedegi avtobýs órtinde qaza tapqan 52 ózbek azamaty týraly beınebaıan túsirdi, dep habarlaıdy Qamshy.kz aqparat agenttigi. Bul beınebaıan «Unutmoq osonmas sizlarni», qazaqsha «Umytý qıyn» atty ánge túsirilgen.
Beınebaıan oqıǵasy ómirden alynǵandyqtan, kópshiliktiń júregine jetken sıaqty.
Ánniń mátinin ózbek aqyny Shahlo Ahrorova jazǵan.
Jyla, Otan!
Basyma aq salam-aı dep jyla, Otan,
Qyrdy kezgen nalam-aı dep jyla, Otan.
Elý eki dem úzildi bir-aq sátte,
«Elý eki danam-aı!», - dep jyla, Otan,
Beıýaq ketken balam-aı dep jyla, Otan!
Nesibemdi tereıin dep shyǵyp ketken,
Peshenemnen kóreıin dep shyǵyp ketken,
Ana eńsesin kótermesteı jyǵyp ketken,
«Essiz ketken balam-aı!», - dep jyla, Otan,
«İzsiz ketken balam-aı!», - dep jyla, Otan!
Ózge jurtta sarsań bolyp, qor boldyń ba,
Ah, perzentim kómegime zar boldyń ba?
«Elý eki julynymdy úzip ketken
Elý eki qulynymdy julyp ketken,
Sheıit ketken balam-aı!», - dep jyla, Otan!
Eń aýyr qam – bala qabirin kórý eken,
Eń aýyr dert – ózge jurtta ólý eken,
Eń aýyry – bárine de kóný eken,
«Kókke jetti nalam-aı!», - dep jyla, Otan,
«Qabiriń qane balam-aı?», - dep jyla, Otan!
Qaıda barsań izderińnen eremin de,
Úıińe qaıt, yryzdyq taýyp beremin de,
Bóten elde sen basyńdy ıip júrseń,
Bas kóterip qalaı endi júremin de,
…Beıýaq ketken balam-aı dep jyla, Otan!
Aýdarǵan Sulýhan Myńbaı
