Almaty oblysy bıylǵy jyly kartop ósirýdi óndiristik deńgeıde damytýdy bastaǵaly otyr. Bul týraly búgin oblys ákimi A. Batalov turǵyndar aldyndaǵy esep berý jıynynda aıtty, - dep habarlaıdy Qamshy.kz aqparat agenttigi Almaty oblysy ákiminiń baspasóz qyzmetine silteme jasap.

Kartop ósirýge mamandanǵan Raıymbek aýdanynda osy jyly oblys basshylyǵynyń qoldaýymen kartop ósirýge erekshe den qoıylyp, arnaıy aýyl sharýashylyǵy tehnıkalary satyp alynatyn 2 servıstik-daıyndaý ortalyqtary qurylatyn bolady. Bul oraıda ırrıgasıalyq júıelerdi qalpyna keltirýge de qoldaý kórsetilmek. Bul aýdanda syıymdylyǵy 16 myń tonnalyq kókónis saqtaý qoımalary burynnan bar. Kartop ósirýdiń qyr-syryn jaqsy biletin Kerbulaq aýdanynyń sharýashylyqtary da bul iske atsalysatyn bolady.

Atap ótsek, İle aýdanyndaǵy ındýstrıaldy aımaqta «Farm Frıts» Transulttyq kompanıasyn tarta otyryp, kartop óńdeý júzege asyrylmaq.