Qazir úkimette ońtústiktegi qazaqstandyqtardy jappaı soltústikke kóshirý máselesi talqylanýda dep habarlaıdy

portaly. Qazaqstandyqtardyń uly kóshin qaıta tiriltýge sońǵy jyldary soltústik turǵyndary sanynyń kúrt azaıý sebep bolǵan. Osyǵan baılanysty Densaýlyq saqtaý jáne áleýmettik damý mınıstrliginde arnaıy zań jobasy ázirlenýde. Qazirgi tańtaǵy resmı statısıka kórsetkendeı Qazaqstanda jylyna 300 myń adam basqa oblystarǵa, aýdandar men jergilikti mekenderge qonys aýdarady eken. Endi osy kóshi-qondy bir retke keltirý úshin mınıstrliktegiler  arnaıy zań jobasyn ázirleýde. Bul máseleni qazir qolǵa almasa, aldaǵy ýaqytta soltústik qazaqstandyqtardyń sany 1 mıllıon adamǵa qysqaryp, kerisinshe ońtústiktiń turǵyndary birden 5 mıllıonǵa ósýi múmkin. Sondyqtan Qazaqstannyń ár aımaqtaryndaǵy dısbalansty retteý úshin ázirlenetin zań jobasy mańyzdy bolmaq. Eskerte keterlik bir jaıt, turǵyndardyń erkinen tys, kúshpen eshkimdi kóshirmeıdi. Jańa ázirlenetin zań jobasynda erikti kóshýge kelisken adamdarǵa túrli áleýmettik jeńildikter men kepildi jumys oryndary, mektep bitirýshi túlekterge JOO túsý múmkindikteri, sondaı-aq, baspana máseleleri qamtylǵan. Sondaı-aq, shet elden atajurtqa kelgen qandastarǵa "oralman" kýáligin alý jeńildikteri de qarastyrylýda. "Biz birinshi kezekte eshkimdi qınap kóshirmeımiz. Óz erkimen qalaǵan adamdarǵa turaqty jumys,baspana, áleýmettik jeńildiktermen tolyqtaı qamtamsyz etemiz,"-deıdi  QR Densaýlyq saqtaý jáne áleýmettik damý Tamara Dúısenova.