Qazaqstandyqtar búginnen bastap Birikken Arab Ámirlikterine vızasyz bara alady, dep habarlaıdy Qamshy.kz aqparat agenttigi.

QR SİM Qaırat Ábdirahmanov 2017 jyly Birikken Arab Ámirlikterine barlyq tólqujat túrlerimen vızasyz qatynaý jónindegi kelisim jasalǵanyn málimdedi. Atalǵan qujatty BAÁ barlyq ámirlikteri maquldady.

BAÁ-degi QR Elshisi Qaırat Lama Sharıf vızasyz sapar aıasynda otandastary neni eskerýi kerektigi týraly óziniń áleýmettik jelidegi paraqshasynda jazdy.

Qazaqstandyqtar atalǵan elde 30 kúnge deıin vızasyz júre alady. Al ol merzimnen asyp ketse aıyppul tóleıdi. Aıyppul kólemi jergilikti zańnamaǵa sáıkes, birinshi kúni 200 dırham, al odan keıingi kúnder úshin 100 dırham bolyp belgilengen. Vızasyz rejım kezinde kelissózder men kezdesýler ótkizýge ruqsat etilgen.