Qar erýine baılanysty Qazaqstannyń birneshe óńirinde dabyldy eskertý jarıalandy, dep habarlaıdy "Qazgıdromet" RMK. 

Sınoptıkterdiń málimetinshe, 10-12 naýryzda aýa temperatýrasynyń kúndiz jylynýyna baılanysty jáne Shyǵys Qazaqstannyń alasa taýly aımaqtarynda jaýyn-shashyn túsýine oraı aǵyn sý paıda bolýy múmkin.

«11-12 naýryzda Ońtústik Qazaqstan, Jambyl, Almaty oblystary jáne Almaty qalasynyń alasa taýly aımaqtaryndaǵy ózenderde jańbyr jaýýyna baılanysty sý basý qaýpi týyndap, taýdan jáne jergilikti óńirde aǵyn sý jınaqtalýy múmkin», — delingen habarlamada.

Sonymen qatar 10-11 naýryzda Jambyl oblysynda ońtústik-batys, batystan soqqan jeldiń ekpini keı jerlerde 15-20-ge jetip, uıytqýy 23-28 m/s bolady. 10 naýryzda kúndiz, 11 naýryzda kúni boıy oblystyń ońtústik-batysynda jeldiń uıytqýy 30 m/s-ge jetedi.  

Daýyl yqtımaldyǵy 90%.