«Kasperskıı zerthanasy» birneshe eldiń hakerleri qatysqan kıber alaıaqtyqty anyqtady, dep jazady NYT. Shottardan álemniń 30 elindegi 100-den astam bank klıentteriniń 300 mln dollary urlanǵan.
«Kasperskıı zerthanasy» 2013 jyldyń sońynda bank urlyqtaryn zertteýge tartylǵan bolatyn. Anyqtalǵan alaıaqtyq tarıhtaǵy eń iri bank urlyǵynyń biri bolýy múmkin. Hakerler jalǵan shottardy qoldana otyryp, Reseı, Japonıa, Shveısarıa, AQSH jáne Nıderlandy bankteri klıentteriniń mıllıondaǵan dollaryn jymqyrǵan eken.
NYT maqalasyna sáıkes, «Kasperskıı zerthanasy» 300 mln dollardyń urlanǵanyn dáleldep shyqqan. Kompanıanyń málimetinshe, urlanǵan qarjy budan úsh ese kóp bolýy múmkin. Zertteýde álemniń 30 elindegi 100-den astam bank pen ózge de qarjy ınstıtýttarynyń klıentteri hakerlerdiń qurbanyna aınalǵany aıtylǵan.Bnews.kz
