«Deni saýdyń jany saý» deımiz. Aıtýǵa jeńil sóz, biraq tórkinine kóp úńile bermeıtinimiz anyq. Nege? Óıtkeni, densaýlyqtyń qadirin bas aýyryp, baltyr syzdaǵanda ǵana biletin jaman ádetimiz bar. Aýyrmaıtyn adam joq, biraq kez kelgen derttiń bir shıpasy bolady. Ótken aptada Almaty oblysyna qarasty Qarasaı aýdanynyń ortalyǵy Qaskeleń qalasynda «Nazar med» dep atalatyn sý jańa medısınalyq ortalyqtyń tusaýy kesildi. Oǵan elge belgili tulǵalar, zıaly qaýym ókilderi, medısına mamandary, óner janashyrlary kelip qatysyp, ortalyqtyń jumysyna sáttilik tiledi. Aýdan ákimi Ádilbek Qambaruly men Elbasynyń synyptasy Raıa apa qyzyl lentany qıdy, dep jazady Qamshy.kz aqparat agenttigi.
Aıtpaqshy, Prezıdentimiz N.Nazarbaevtyń bıylǵy Qazaqstan halqyna arnaǵan Joldaýynda «Halyqtyń ómir súrý uzaqtyǵynyń ósýine jáne medısınalyq tehnologıalardyń damýyna baılanysty medısınalyq qyzmet kórsetýge degen suranys kólemi arta túsetin bolady», – dep aıtqany barshamyzǵa belgili. Osy sózdiń aıqyn dáleli retinde, jańadan ashylǵan «Nazar med» ortalyǵy halyqtyń densaýlyǵy úshin qyzmet etpekshi.
Sonymen, bul ortalyq basqa medısınalyq ortalyqtardan nesimen artyq? Aldymen, soǵan toqtala ketsek!
«Nazar med» medısınalyq ortalyǵynyń eń birinshi ereksheligi - Shyǵys-Tıbet medısınasynyń dástúrli emdeý tásilin qoldanady. Ekinshi – ortalyqta qazaq halyq medısınasynyń keıbir em-sharasy jasalady. Úshinshi – «Nazar med»-tiń Bas dárigeri Qytaı medısınasynyń bilikti mamany – Nurgúl Ramazanqyzy. Al ortalyq basshysy jas kásipker – Qadir Rahmatýllauly.
«Nazar med»-te Shyǵys-Tıbet medısınasynyń em-domynan bólek, munda zamanaýı emdik tásildi qoldanatyn, óz isin jetik meńgergen 15 adam qyzmet kórsetedi. Sonymen qatar, Almanıadan arnaıy shaqyrtyrylǵan fızıoterapevt Tomas Hólsel óziniń ártúrli medısınalyq qurylǵylary arqyly dertine shıpa izdegen jandarǵa kómek kórsetedi.
«Nazar med» medısınalyq ortalyǵyndaǵy Bas dáriger Nurgúl Ramazanqyzy Shyǵys-Tıbet medısına tásilimen aǵzadaǵy aýrýdy tamyr ustaý arqyly anyqtap, tabıǵı dárilik shópterdi paıdalana otyryp emdeıdi. «Tamyrdy ustaǵan sátte, adamnyń júıke-júıesin aralap, júregin tyńdaı alamyn» - dedi ol. Tipti, adamnyń bet pishinine de qarap aýrýdyń qupıasyn asha alatyn óneri bar. Naqty aıtqanda, mekemede bas, mı, julyn-júıke aýrýlary men júrek qan tamyrlarynyń buzylýy, qalqansha bez, tynys alý, as qorytý, baýyr, býyn jáne omyrtqa, protrýzıa, gryja, zár shyǵarý joldarynyń aýrýlary, sonymen qatar, bedeýlik, belsizdik, prostatıt, teriniń túrli aýrýlary, psorıaz syndy dertteri bar naýqastar kelip, sapaly em qabyldaı alady. Budan bólek, ortalyqta súıek synyǵymen kelgenderdi otasyz aıyqtyrý tásilderi de qarastyrylǵan.
Emdeý tásilderi de ózgeshe: ıne salý, bıotok, xıdjama, massaj jasaý jáne tabıǵı dárilik shópterdi paıdalanady.
Bir qýantarlyǵy, «Nazar Med» ortalyǵynda tolyq tekserilýdiń quny 2000 teńgeni ǵana qurasa, kishkentaı búldirshinderge, qarttar men ardagerlerge túrli jeńildik oılastyrylǵan. Iaǵnı, buny Elbasynyń Joldaýynda júktegen «Qazirgi densaýlyq saqtaý isi qymbatqa túsetin stasıonarlyq emge emes, negizinen aýrýdyń aldyn alýǵa baǵyttalýǵa tıis.», – degen tapsyrmasy boıynsha jumystardyń júzege asa bastaǵanynyń bir aıǵaǵy dep túsindirdi mamandar.
Tusaýkeserden keıin biz Bas dárigerdiń ózimen jaqyn tanystyq. Nurgúl Ramazanqyzy Qytaıdyń qazaqtar jıi qonystanǵan İle aımaǵyna qarasty Tekes aýdanynda dúnıege kelipti. Joǵary bilimdi Shańhaı psıhologıa ınstıtýtynyń Shınjańdaǵy bólimshesinen alǵan. Ony bitirgen soń Shınjań medısına ýnıversıtetinde bir jyl qyzmet etken. Keıin, 2008 jyly ol óziniń biliktiligin jeke-dara synap kórý maqsatynda, óz aldyna medısınalyq ortalyq ashqan. Shınjań boıynsha ótken halyqtyq medısına tásilimen em-dom júrgizetin dárigerler arasynda tamyr ustap emdeý boıynsha jas maman birden kózge túsipti. Sol joly ol japon men Amerıkanyń bilikti dárigerleriniń nazaryna ilingen. Tamyr ustaý arqyly kez kelgen aýrýdy dál tabatyn qasıetke ıe.
Nurgúl Ramazanqyzy 2012 jyly Atajurtqa oralypty. Almatyda halyq medısınasynyń magıstratýrasyn oqyp, dıplomyn qorǵap shyqqan. 2014 jyldan bastap ol halyq emshileriniń arasynda tamyr ustap dıagnoz qoıý saıysynda bir emes, úsh ret jeńimpaz bolǵan. 2015 jyly Astanada ótken halyqaralyq konkýýrsta, ıaǵnı aýrýǵa psıhologıalyq taldaý jasap, emdeý saıysynda taǵy da bas júldeni jeńip aldy. Munyń bári Nurgúldiń alǵan biliminiń jemisi jáne boıyndaǵy emshilik qasıeti. Osy jeńisterden keıin oǵan Amerıkadan, Túrkıa men arab elderinen shaqyrtý túsken. Biraq ata-babasynyń kindik qany tamǵan jerin saǵynyp jetken qyz shaqyrtýdyń bárinen bas tartyp, óz kásibin qazaq topyraǵynda jalǵastyrýdy ózine maqsat etken. Búgingi ashyp otyrǵan «Nazar med» medısınalyq ortalyǵy – sonyń dáleli.
Jaras SHÓKE
