QR Parlamenti Senatynyń Tóraǵasy Qasym-Jomart Toqaev jýrnalıserdi Qazaqstan televızıasynyń 60 jyldyǵymen quttyqtady, dep habarlaıdy Qamshy.kz aqparat agenttigi. Bul týraly óziniń twitter paraqshasyna jazǵan. 

«Qazaq televızıasyna 60 jyl! Aıtýly data! Jýrnalıserdi, televızıa salasyndaǵy barlyq qyzmetkerlerdi shyn júrekten quttyqtaımyn jáne alǵys bildiremin.  Otanymyzdyń ıgiligi jolynda tabysty jumys tileımin!» - dep jazdy ol.

Qazaq televızıasyna 60 jyl! Aıtýly data! Jýrnalıserdi, televızıa salasyndaǵy barlyq qyzmetkerlerdi shyn júrekten quttyqtaımyn jáne alǵys bildiremin.  Otanymyzdyń ıgiligi jolynda tabysty jumys tileımin!

— Kassym-JomartTokayev (@TokayevKZ) 17 marta 2018 g.

Eske sala keteıik, keshe Qazaq televızıasynyń 60 jyldyǵyna oraı ótkizilgen saltanatty sharada «Tumar» ulttyq televızıalyq báıgesiniń nomınanttary belgili boldy. Saltanatty rásimde QR Memlekettik hatshysy Gúlshara Ábdiqalyqova Elbasy Nursultan Nazarbaevtyń quttyqtaýyn oqyp berdi.

«Qazaq televızıasynyń habar tarata bastaǵanyna 60 jyl tolýymen quttyqtaımyn. Búginde qoǵam ómiriniń tynys-tirshiligin teledıdarsyz kózge elestetý qıyn. Sondyqtan, bul otandyq televızıanyń myńdaǵan qyzmetkerlerin ǵana emes, qazaqstandyqtardyń ortaq mereıli merekesi dep aıtýǵa bolady», - delingen Memleket basshysynyń quttyqtaýynda.