Qazaqstandyq kásipqoı boksshy Qanat Islamnyń kelesi kezdesýi 1 naýryzda ótedi. Bul jekpe-jekti qazaqstandyqtar tikeleı efırden tamashalaýy múmkin.

30 jastaǵy boksshy "Úlken boks – qomaqty aqsha" atty boks keshiniń negizgi kezdesýleriniń birinde synǵa túsedi, onyń qarsylasy argentınalyq Gýıdo Nıkolas Pıtto (22-3).

Boksshylar orta salmaqtaǵy WBC International Silver chempıondyq belbeýin sarapqa salady. Jalpy, bul boks keshinde 11 jekpe-jek ótedi. Boks keshin Reseıdiń birqatar telearnasy tikeleı efırden kórsetedi, onyń ishinde "Boısovskıı klýb" arnasy bar.

Qazaqstandyq telearnalarǵa da kezdesýlerdi tegin translásıalaý quqyǵy berilýi múmkin. Sebebi, bul keshte Qazaqstan atynan Qanat Islamnan bólek, Janqosh Turarov ta óner kórsetedi.

Aıta ketý kerek, Islam men Pıtto dúnıejúzilik boks qaýymdastyǵynyń reıtıńinde óte jaqyn ornalasqan. Qazaqstandyq boksshy 9-orynda, al Pıtto 11-orynda. Bnews.kz