Florıdanyń burynǵy gýbernatory Djeb Býsh AQSH prezıdenti Barak Obamany tıanaqsyz ári ynjyq basshy ekenin aıtyp, eldiń syrtqy saıasattaǵy jumysyn tıisti deńgeıde atqara almaı, halyqaralyq bedelin túsirgenin aıtty.

"Obama saılaýǵa túserde halyqtyń ál-aýqatyn túzetemin, eldiń syrtqy saıasatyn jolǵa qoıamyn, halyqaralyq bedelin arttyramyn degen syndy birtalaı ýáde bergen bolatyn. Bul mindetterdi atqarýdy bylaı qoıǵanda, ol ahýaldy tipten nasharlatyp jiberdi. "Múıiz suraımyn dep, qulaqtan aıyryldy" -nyń kerin keltirip otyrǵan joq pa. Qazir elimizdiń ózge memleketter aldyndaǵy bedeliniń qaı deńgeıde ekenin aıtýdyń ózi artyq", - deıdi Býsh.

Býshtyń aıtýynsha, AQSH álemdegi kóshbasshy ornyna qaıta jaıǵasýy tıis.

"Meniń qazirgi kezde – qaıtsem, Amerıkany burynǵy qalpyna keltiremin, qaıtsem, azamattarymyzdyń beıbit ári mamyrajaı tirshilik etýine jaǵdaı týǵyzamyn degen oı tolǵandyrady", - deıdi eks-gýbernator.

Aıta ketý kerek, Djeb Býsh – AQSH-tyń 43-prezıdenti kishi Djordj Býshtyń aǵasy. Ol 2014 jyldyń jeltoqsanynda 2016 jylǵy prezıdent saılaýyna túsetinin málim etken bolatyn. Bnews.kz