Kókshetaýda jolaýshylar avtobýsy janyp ketti. Bul týraly jergilikti áleýmettik jelide beınejazba tarady, dep habarlaıdy Qamshy.kz aqparat agenttigi.

Áleýmettik jeli qoldanýshylardyń atalmysh beınejazba astyna qaldyrǵan pikirine qaraǵanda, oqıǵa sáýirdiń 13-inen 14-ne qaraǵan túni Kókshetaý qalasynan Astana baǵytyna shyǵa beriste bolǵan.

Kókshetaýda órtengen avtobýsta 25 adam bolǵany anyqtaldy. Olardyń barlyǵy "Kókshe sement" AQ jumysshylary men jolaýshylar, dep habarlaıdy QazAqparat İİD baspasóz qyzmetine silteme jasap.

Vedomstvonyń baspasóz qyzmetiniń málimeti boıynsha oqıǵa túngi saǵat 23:00-den asa oryn alǵan. "Avtobýs  "Kókshe sement" AQ tıesili. Qoǵamdyq kóliktiń ishinde 25 adam boldy. Olar Birjan sal aýdanyndaǵy Zaozernoe aýylyndaǵy kirpish zaýytynan vahtadan úılerine kele jatqan jumysshylar men jolaýshylar. Zardap shekkender joq. Kóliktiń ishinde bolǵandardyń barlyǵy qutqaryldy. Qutqarý jumystaryna jol patrúldik polısıasy batalónynyń qyzmetkerleri atsalysty", dep túsindirdi İİD baspasóz hatshysy G.Pınchýk.

Qazirgi kezde osy oqıǵaǵa baılanysty tekseris júrgizilýde.