Atmosferalyq aǵyndardyń ótýine baılanysty 22 sáýirde Qazaqstannyń basym bóliginde jańbyr jaýady, tuman, ekpindi jel saqtalady, tek batysta shańdy daýyl turady, dep habarlaıdy Qamshy.kz aqparat agenttigi Qazgıdromettiń deregin negizge alyp. 

Jambyl, Pavlodar, Shyǵys Qazaqstan, Batys Qazaqstan, Qostanaı, kúndiz Aqtóbe oblystarynda jeldiń 15-20 m/s kúsheıýi kútiledi. Shyǵys Qazaqstan, Batys Qazaqstan, Qostanaı oblystarynyń keı jerlerinde tuman túsedi.

Kúndiz Atyraý oblysynyń keı jerlerinde jeldiń jyldamdyǵy 15-20 m/s jetip, shańdy daýyl turady. Aqmola, Soltústik Qazaqstan oblystarynyń keı jerlerinde jel 15-20 m/s kúsheıedi, tuman, túnde kóktaıǵaq bolýy yqtımal. Ońtústik Qazaqstan, Qaraǵandy oblystarynyń keı jerlerinde naızaǵaı oınap, kúndiz jel turyp, jyldamdyǵy 15-20 m/s jetedi.