Ál-Farabı atyndaǵy QazUÝ-da túrki tildes elder jazýy men latyn álipbıine arnalǵan dóńgelek ústel otyrysy ótti, - dep habarlaıdy Qamshy.kz portaly.

Jıynǵa Qazaqstan men Túrkıanyń jetekshi tarıhshy ǵalymdary men fılolog mamandary A. Baıtursynov atyndaǵy Til bilimi ınstıtýtynyń bas ǵylymı qyzmetkeri, f,ǵ,d., Álimhan Júnisbek, bas ǵylymı qyzmetkeri, f.ǵ.d., profesor Nurgeldi Ýálı, jetekshi ǵylymı qyzmetker, f.ǵ.d., Ǵarıfolla Ánes, dırektor orynbasary, f.ǵ.k., dosent Fazyljanova Anar Muratqyzy, Ankara (Túrkıa) Hajetepe ýnıversıtetiniń profesory Mehmet Dervısh Kalynchkaıa, S. Demerel atyndaǵy ýnıvesıtettiń Qazaq fılologıasy kafedrasynyń dosenti, f,ǵ,d., Quralaı Kúderınova, f.ǵ.k., dosent Amanqos Mekteptegi, sondaı-aq QazUÝ-dyń oqytýshy-professorlyq quramy men stýdentteri qatysty.

Dóńgelek ústelde Túrki halyqtaryna ortaq álipbı qurastyrý qajettigi, sonymen qatar latyn álipbıine kóshý úlgileri talqylandy. Jıynda sóz alǵan B.Súleımenov atyndaǵy Shyǵystaný ınstıtýtynyń jetekshi ǵylymı qyzmetkeri, f.ǵ.k., Nápil Bazylhan latyn qarpine kóshý kezeńine baılanysty óz jobasyn tanystyrdy. «Bizdiń elimiz latyn álipbıine kóshýge tolyqqandy daıyn. Quramynda fılologtar, lıngvıser, tiltanýshylar bolǵan bizdiń ǵylymı qaýymdastyq latyn álipbıine aýysýdyń barynsha tıimdi tustaryn qarastyrmaq. Biz ózgeriske daıynbyz, sondaı-aq, únemi izdenis pen zertteý ústinde júrgen áriptester tildiń dybystyq fonemasyn saqtaı otyryp, dybystyń árippen úndestik tabýyna da kóńil bólmek», – dedi N. Bazylhan.

Hajetepe (Týrkıa) ýnıversıtetiniń profesory Mehmet Kalynchkaıa: «Bul bastamalaryńyzdy qoldaımyn, jáne tez arada qolǵa alýlaryńyz kerek. Tamyry bir túrki jurtyn ortaqtastyrýǵa jasalǵan qadamdaryńyz dep bilemin. Biraq,tiltanýshy ǵalymdar men lıngvıserdiń kómegimen álipbıdiń barynsha ońtaıly nusqasyn usynýlaryńyz kerek. Ózbekstan tájirıbesinde kezikken qatelikterge boı aldyrmaı, tıimdi jolyn qarastyrǵan durys» – dedi.

A. Baıtursynov atyndaǵy Til bilimı ınstıtýty dırektorynyń orynbasary Anar Fazyljanova. osy ǵylymı zertteý barysynda jınaqtaǵan tájirıbesimen bólise otyryp, latyn álipbıine kóshý mańyzdylyǵyna toqtaldy. «Qazirgi tańda álem elderiniń 80% -dan astam bóligi latyn álipbıin qoldanady. Elbasymyz bizdiń aldymyzǵa aıqyn maqsattar júktep, 2025 jylǵa deıin latyn álipbıine kóshý úderisine tıimdi ádisterdi usynýdy tapsyrdy»,-dedi.

 Orynbasar BAQYTBEKOV