Almatynyń jol-patrýldik polısıasy "kisi óltirý" dereginiń betin ashty. Asa aýyr qylmys túngi saǵat úshterde Naýryzbaı aýdanyndaǵy "Shuǵyla" yqsham aýdanynyń jeke sektorynda jasalǵan.

Bul týraly Almaty arnasy "Kýáger" baǵdarlamasy habarlaıdy. Pyshaq jaraqatyn alǵan er adamdy kórshi ornalasqan úı turǵyny baıqady. Málim bolǵandaı, sol azamatsha birinshi kezekte 102 púltine jáne jedel járdem qyzmetine habarlaǵan. Ókinishke qaraı, er adamdy aman saqtap qalý múmkin bolmady. Patrúldi polıseıler sol mańaıda tekseris jumystaryn júrgizdi. Adam óltirý deregine qatysty degen kúdikpen ustalǵan úsh adam birden tártip saqshylarynyń qoldaryna túsken. Jedel tergeý toby kisi óliminiń sebepterin anyqtaý úshin sot-medısınalyq saraptama taǵaıyndady.

Bastapqy málimetter boıynsha, 27 jastaǵy Ońtústik Qazaqstan turǵyny keýde tusyna eki márte keltirilgen pyshaq jaraqatynan kóz jumdy. Atalǵan fakti boıynsha Kamenka polısıa bóliminde qylmystyq is qozǵaldy.