«Qazaq handyǵynyń - 550-jyldyǵyna» arnalǵan jyr múshaırasyna İrgesi berik eldi jaý ala almas, Aýzy bir eldi daý ala almas. Halyq naqyly Jaýdan jaǵa bosamaı alashapqyn bitpegen, Uly dala tósinde shubyrǵan kósh júkpenen, Úmit oty sónbedi el jylaǵan bosqynda Bóri aıbatty erlerdiń rýhymenen tiktenem. Eńseleri búgilmeı esil erler digirdeı, Býyrqansa kósh bastap, shyndyq oıyn búkpegen, El tutqasyn ustaǵan, Kereı menen Jánibek, Qozybasta jetkendi maqsatyna dittegen Baq bop keldi qazaqqa táńir syıy kútpegen. Boz jýsandy dalada samsap qalyń qol jatqan, Jannan asqan erlerge eldiń shebin qorǵatqan, Bozqonaqta túnedi, bozqyraýly kúnderde Bóri keýde batyrlar ulty úshin zor maqtan. Qarsy turyp jasynǵa Qasqa joldy Qasymda, Bekzadalyq tanytyp, óz jarlyǵyn ornatqan, Qarashaǵa dý bergen, urany asqaq dúrlerden Myń habardy jetkizer esil ýaqyt sol jaqtan. Altyn tuǵyr ústinde erki kúshti handarym, Danagóılik aqyldyń arqasynda jol tapqan. Bolashaqty betke alyp, jyljyp alǵa kún kemem, Tuǵyrynda tura almas tól tarıhyn bilmegen, Haqnazar men Esim han eldiń altyn dińgegi Syry ashylar jumbaqtyń ólgendigi kim neden. Salqam Jáńgir, Táýkeniń sara joly saırap tur, Tynyshyn ap halqynyń jońǵar kelip irgeden, Han asyly Abylaı, eldiń týǵan baǵyna. Qaharynan yǵysyp, ordaǵa jaý kirmegen, Kózsiz eri qazaqtyń, Kenesary ǵajap tym, Armanymen handardyń aıbattanyp búrlegen, Tańbasyn sap soıyldyń, mysyn basqan doıyrdyń Shynyqtyryp shyńdaǵan joıan erdi dúrbeleń. Jaýgershilik beleń ap, adam saýǵan zamanda Kózindeı bop tarıhtyń syr shertedi myń beleń. Qalamynda aqynnyń asyl tekti dúr handar, Munarynda dalamnyń aıbyndy bop turǵandar, Asan qaıǵy jyrynan, tolǵaýynan Buqardyń, Nurlandyryp sanańdy suńǵyla oımen syrdy ańǵar. Orda bolǵan Syǵanaq, irgesinde Saýrannyń Shapqynshylyq jyldarmen, ótti nebir dýmandar, Baıansyz bul ǵumyrdy baǵym deme baılaýly. İzin tastap joq bolǵan sán saltanat qurǵandar, Deshti Qypshaq dalasy ajarlanyp tur búgin Baýlary da jaıqalǵan, taýlary da kil zańǵar. Jeruıyqty kúzetip aıyrylmaı muradan, El tanyǵan erler bar eldiń basyn quraǵan, Joǵalmaıdy ór senim, azattyǵym eńseli, Baba jolyn jalǵaǵan, Kósh bastaǵan Nuraǵam Júrek tolǵan qýanysh shalqy shabyt uly aǵys Imandy elmiz ǵumyrly sýsyndaǵan tumadan. Handyǵymnyń aıbary, el kóńili jaıdary Mamyrajaı kún keshken asyl jurtym din aman!
Serik Moldabekov –Respýblıkalyq jyr múshaıralarynyń, halyqaralyq «Shabyt» festıvaliniń dıplomanty. Qazirgi tańda Semeı qalalyq Mádenıet saraıyndaǵy «Halyqtyq aqyndar ortalyǵynyń» jetekshisi.
