"Qazaq handyǵyna 550 jyl" shyǵarmashylyq báıgesine

Qońyr muń júrekti jaýlaǵan, Muńly ham júıkesin tozdyrǵan men bolam. Eski bir óleńdi oqyp ap telmirip aspanǵa, Saǵynysh hattaryn joldaımyn tek qana sorlanam. Qol bulǵap menide shaqyryp jatady, Qyp-qyzyl keshki kún shapaǵy. Qop-qońyr bul qyrat júdeý bir kúı keship jatyr ma? Tósinde qan keship soǵysqan ǵun babam. Qan tamyp qylyshtan jaıratqan jaýlaryn, Saqtardy moıyndap jatyr-aý bul ǵalam! Bul ǵalam ǵasyrlar izine tamsanyp qaraıdy, Shań basqan paraǵyn bir-birlep sanaıdy. Azýyn Barystaı ashatyn, Aqyrǵan Aıýdaı alshańdap basatyn. Keralam dúnıe tusynda ornaǵan táýelsiz handyqqa - Kúrkirep tónetin Barystaı, Aıǵada taısalmaı shabatyn alyptaı, Ashýly Arystan, aldaspan júzindeı, Dushpanyn shaınaıtyn  Býradaı, Boranda jorytqan Arlannyń túrindeı. Azıa tórinde aqyrǵan Ajdahar minezdi handyqtyń rýhyn jyrlaıdy. Oq jylan tilderi ortada órt bolmas, Áp jylan tilderi arada mert bolmas. Erliktiń rýhy sónbegen, Birliktiń uranyn emirene tyńdaıdy... Kók tirep aıbaty táýelsiz handyǵym... Azıa tórinde arqyrap shashatyn jarlyǵyn. Qazaqtyń baǵy úshin jaralǵan tósinde kermańǵaz dalamnyń, Táýelsiz el qurǵan Táýelsiz handyqtyń ýyǵyn qadaǵan, Erligin eske alyp Kereı men Jánibek babamnyń Shattana tamsanam, solarmen álemga maqtanam. Altyn tý kóterip kún-túni jorytqan... Kúresken babalar táýelsiz el úshin, Bir shymshym topyraq, bir súıem jer úshin. As qylyp sirnekeı, nárǵylyp silekeı, San-sapalaq aıqasty kóretin. Keń dúnıe tar bolǵan zamanda, Kók súńgini qolǵa alyp, Kók daýyldy at minip, tulpardaıyn tuıǵytyp, Qyrandaıyn túıilip, Qarshyǵadaı esirip, arqaly, asyl arýaq dep, Qan maıdanǵa enetin. Jekpe-jekte jaýynyń qanyn sháship beretin. Aqyry erlikpen óletin Táýelsiz handyqtyń jolynda. Miskindi mysymen basatyn, Erlerdiń rýhy alaýyn shashatyn. Botasy bozdamaı, órisi shańdamaı, Eliniń eńsesi ezilmeı ham saǵy synbaǵan, táýelsiz jýsany kókteıtin jylǵadan... O , o , o ı keshegi eldigim... Qop-qońyr dalamnyń tósinde qop-qońyr iz jatyr beımálim, Kórdim men sol izdi, sezdim men sonan soń oıladym. Ol degen tulparlar tuıaǵy salǵan iz, Tarıh qoıynynda babalar úni bop qalǵan iz. Sanadan sózderin saralap, Jaqsy men jamandy baǵalap Kara qyldy qaq jarǵan Qazybek, Áıteke, Tóledeı bıleri. Qysasqa qan berip, oqysqa qun tólep, Jazyqqa jazasyn, aıypqa anjysyn beretin, Qasymnan qasqa jol Esimnen eski jol Jeti jarǵy zańyna kónetin. Kazaqı qaǵıda rýh-ol nemese qubylys san jetpes ǵasyrlyq, Aldaspan qylyshyn ustaǵan jaýyna jasynǵyp. Dushpanǵa bermegen ejelden irgesin, Qum basyp joǵalytqan aıbarly múrdesin. Babalar izi ol elesi - Tasyǵan Edildiń arnasy Búgingi nurly jol solardyń jalǵasy. Til  azat, din azat, dil azat Eńseli bostandyq, Búgingi táńirdiń sılaǵan saýǵasy. Tamsanǵan has dushpan Jaıyqtyń arnasy . Egemen el bolǵan táýelsiz eldigin án qylyp, Qazaq ol táýelsiz el bolad máńgilik. Azıa tórinde EKSPO2017 ótkizip, 2050ge rýhty óltirmeı jetkizip. Bir uran ustanyp, Kúlli  álem qaraıdy kókbóri elime tamsanyp. Yrysy shalqyǵan, táýelsiz ıisi ańqyǵan " Máńgi el " urany, Kók týy jelbirep ǵaryshta shanshýli turady! ! Úmitbek Baǵdat – 1993 jyly 15 naýyryzda QHRdyń Sanjy obylysy  Báıtik taýynda dúnıege kelgen.qazirgi tańda HQTÝdyń birinshi kýrs stýdenti.