Túrkimen tamyrlas, qaımana qazaǵym, Taǵdyryń aıamaı tartqyzǵan azabyn. Azaty búgingi máńgilik elimniń, Senemin babamnyń jarasyn jazaryn. Sheshilmeı túskende toryna azaptyń, Armanda samǵady qyrany azattyń. Kereı men Jánibek irgesin nyq qalap, Quryldy sol kezde Handyǵy Qazaqtyń! Otar bop ár elge, Kúnderiń ótkende, Qazaǵym qaımyqpaı, dóp berdiń ótkelge, Qashanda armanyń Alashtyń Týy bop, Jelbirep kóterdiń maqsatqa jetkende. Sol týyń bolǵan ed búginniń irgesi, Sol týyń búgingi "Qazaqstan" kemesi. Saqtalǵan sol sáttik erjúrek, ór minez Urpaqtyń qazirgi bolashaq minbesi. Ulan-ǵaıyr Shý menen Talas arasy, Bolǵan edi talaı jurttyn panasy. Qushaǵyn aıqara ashkan Qazaqstan, Búgin, mine, Túrki ultynyń anasy. Bas qala bop Sozaq penen Syǵanaq, Erkindikke jol bastady jarqyrap. Táýelsizdik tuǵyry bop búginde Astana tur, máńgi óshpes -shamshyraq! İzet qylyp "Qasqa jolyn Qasymnyń", "Derbestigim –eldigim " dep tasydyń. "Esim hannyń Eski joly" jalǵady, Qazirgi kún – Táýelsizdik jarǵysyn! Qazaq tilim – asyl muram, qazynam, Táńir berip, mańdaıyńa jazylǵan. Qazaǵymnyń qasireti, taǵdyry Tarıhymda tom-tom bolar jyr-dastan. Eńseńdi elim, Kótere bildiń, Tursada meıli san kúdik. Qazaqtyń úni, Qazaqtyń tili, Turady árkez jańǵyryp. Qazaqtyń jyry, Qazaqtyń muńy, Qaldyrar izin máńgilik! Búgingi elim, Keń-baıtaq jerim, Qazyna toly qut-meken. Aspanmen talas, asqar taý belim, Qazaqqa bitken baq-meken. Eren eńbek, maqsat-múdde aqtaldy, Tógilse de talaılardyń qas-qany. Qara túnek tún astynan qazaqtyń, Araılanyp atty máńgi aq tańy. Zamanynyń baǵytyna ilesip, Keledi elim alpaýytpen tiresip. Elbasynyń kemeńger sara joly Kósh aldyna ákeldi eldiń "kemesin". Elý eldiń biri bolyp bul kúnde, Bolashaqqa keregeni keń kerdik. Otyz elge kirý maqsat dep tanyp, Talaılarmen terezeni teńedik. Jasaı bergin, jasaı bergin, uly elim Táýelsizdik árqashanda –tiregiń! Qushaǵyńda qanat jaıǵan urpaqtyń Máńgi soqsyn "Qazaq" degen júregi. Jyrǵa qostym qazaǵymnyń taǵdyryn, Qara sózdiń jaıyp keńge tamyryn. Qasıetin halqymnyń jyrlaı alsam, Bul da meniń aqyndyq bir baqytym!

Gaýhar Janbolatqyzy, 27 aqpan 2015 j.