2018 jyldyń 16 mamyry saǵat 10.00-den 13.00-ge deıin «Astana qalasy ákimdiginiń Halyqty jumyspen qamtý ortalyǵy» KMM jalpyqalalyq bos oryndar jármeńkesin ótkizedi. Elordanyń 100-den asa jumys berýshileri óz kezeginde halyqqa1000-nan astam bos jumys oryndaryn usynady, dep habarlaıdy Qamshy.kz aqparat agenttigi. 

Jármeńke «Jastar» saraıynda ótkizilmek. (Respýblıka dańǵyly,34)

Jármeńkege qatysýshylar jumys berýshilermen tikeleı baılanysyp, suhbattasa alady. Jumys berýshiler usynǵan talaptarmen tanysyp, arnaıy saýalnama toltyrady. Sonymen qatar, jumyspen qamtý ortalyǵynyń mamandary eńbekpen qamtý, jumysqa ornalasý, qaıta daıarlaý, jumys izdeý tehnologıasy, eńbek naryǵynda ózin-ózi tanystyrý, kásiptik oqytý jáne qosymsha kásibı bilim berý múmkindikteri týraly keńes beredi. Joǵary jáne arnaıy oqý oryndarynyń túlekteri jastar tájirıbesi baǵarlamasymen tanysa alady. Sáıkesinshe ortalyq qyzmetkerleri áleýmettik jumys oryndarynda jumysqa ornalasý máselesi týraly mol maǵlumat beredi.

Aǵymdaǵy jyldyń basynan bastap jumyspen qamtý ortalyǵyna 7 081 adam ótinish bildirdi. Jalpy alǵanda 2 652 adam jumys izdese, onyń ishinde 1353 turaqty jumysker, belsendi qoldaý sharalary - 1437 úmitkerdi qamtıdy. Qosymsha aqparat     alý úshin    myna telefonǵa habarlasyńyz: 8 (717) 257-86-88